A Cidade da Cultura ultima os preparativos da inauguración de Galicia futura, a terceira grande exposición do Xacobeo 2021-2022. 

O conselleiro de Cultura Román Rodríguez supervisou hoxe os traballos desta exposición que se inaugura o próximo mércores. Rodríguez asegurou que é unha invitación a reflexionar sobre como será a Galicia do futuro a través de galegos de recoñecido prestixio no mundo da arte, da creatividade, da ciencia e da tecnoloxía.