CRTVG

Buscar

A borrasca Filomena deixa sete comunidades en aviso por neve e frío

Publicado o 06/01/2021 16:21

Á espera de que a borrasca Filomena chegue á Península para complicar aínda máis a situación, as primeiras horas da xornada de Reis deixaron un frío intenso na maior parte de España.

As temperaturas superaron os dez baixo cero na cordilleira Cantábrica, os sistemas Central e Ibérico e no Pireneo.

A neve mantén pechadas ao tráfico unha vintena de estradas e noutras 38 é obrigatorio o uso de cadeas para circular, todas elas na rede secundaria.

O peor está en Asturias, Cantabria e as provincias de Burgos e León.

Na parte asturiana do porto de San Isidro retomáronse os traballos de busca do operario da máquina quitaneves sepultada por un alude o venres pasado.

Un helicóptero dos bombeiros sobrevoou a zona, situada a máis de 1500 metros de altitude, para tomar imáxes que permitan coñecer a estabilidade da neve.

Xeadas e moito frío tamén en Madrid, Castela-A Mancha e Andalucía, onde se mantén activada a alerta por neve nas Serras de Cazorla e Segura con acumulacións de ata 20 centímetros a partir dos 800 metros.

Noticias web

06/01/2021