A vacina de BioNTech e Pfizer recibirá o visto e prace e da Axencia Europea do Medicamento (EMA) o 21 de decembro, tal e como acaba de confirmar nun comunicado a propia axencia.

A súa reunión adiántase, polo tanto, oito días, para analizar a vacina. Logo das novas publicadas na prensa alemá esta mañá, a EMA confirma a nova data da xuntanza ante as presións da Comisión Europea, da propia Alemaña e dos socios europeos para  non quedar atrás fronte a países como o Reino Unido, o Canadá ou os Estados Unidos, que aprobaron a urxencia.

Máis seguridade no procedemento da EMA

O procedemento da  EMA, con todo, é o ordinario, o que atrasa os prazos pero achega máis seguridade ao proceso, sinalou Spahn. 

"É importante que optásemos por un proceso ordinario de autorización da vacina. Iso axuda a que haxa confianza e iso é clave nun proceso de vacinación. Será a primeira autorización no mundo tras un proceso ordinario", dixo Spahn.

"Se fixésemos unha autorización de urxencia estaría a recibir correos de xente protestando porque non quere ser utilizada como coello de indias", asegurou.

Unha portavoz de BioNTech asegurou que a empresa xa produciu e almacenou parte do continxente de vacinas que comprou a Unión Europea.

"En canto teñamos luz verde da  EMA e da CE podemos empezar coa descarga e a distribución das vacinas aos centros", indicou.

A EMA explicou que se tomaría a decisión sobre a autorización da vacina de BioNTech e Pfizer, como tarde, o 29 de decembro, pero evitou entrar en detalles sobre o proceso de revisión desta fórmula.