O exxeneral venezolano, Hugo Carvajal, declarará o vindeiro 27 de outubro na Audiencia Nacional polos supostos pagos do Goberno suramericano a dirixentes de Podemos.

O xuíz Manuel García Castellón citouno despois de analizar os documentos que o propio Carvajal achegou na súa primeira comparecencia e que implicarían a exdirixentes da formación morada como Juan Carlos Monedero en prácticas de presunto financiamento irregular.

Carvajal foi director de Contraintelixencia Militar nos Gobernos de Hugo Chávez e Nicolás Maduro e está acusado nos Estados Unidos por narcotráfico.