Primeiro día de clase para estes 50 militares da real armada saudita desprazados a Ferrol. Durante dous meses aprenderán a manexar as corvetas que o seu país encargou ao estaleiro gaditano de Navantia. Un contrato de 1.813 millóns de euros que ademais da construción dos barcos inclúe a formación dos tripulantes.

A escola Antonio de Escaño, para a teoría, e a estación naval da Graña, para a práctica, son os lugares elixidos para a formación e adestramento da dotación saudita. Un acordo asinado entre os ministerios de defensa de ambos países.

Segundo informa Navantia, estanse a cumprir os prazos malia a pandemia, e prevé entregar a primeira corveta en abril de 2022. Data na que estes militares terán completada a súa formación en Galicia e Andalucía.