La Fortuna, así se chama a administración de lotería que nos últimos meses non deixa de dar alegrías aos ribeirenses.

O último premio que saíu desta oficina dérono o sábado, concretamente 600.000 euros repartidos entre os veciños da zona, aínda que este non foi o único que entregaron recentemente.

A maioría dos compradores son habituais do establecemento. Moitos veñen a diario, outros foron afortunados e recibiron un anaco doutros premios e algún mesmo tivo o décimo premiado nas mans.

Dende a administración cóntannos que esta chuvia de premios está a repercutir de maneira positiva nas vendas, que se están recuperando e agardan que se manteñan para o sorteo do Nadal.