O enfrontamento armado entre dous grupos de narcos deixou polo menos 16 mortos no estado mexicano de Sinaloa.

Segundo fontes gobernamentais, o tiroteo debeuse á disputa que manteñen ambos os grupos de narcos polo control do cártel que lideraba o Chapo Guzmán, condenado a cadea perpetua nos EUA.

Medios locais informaron de que un dos grupos armados está ligado aos fillos do Chapo e o outro ao que era o seu número dous no cártel, Ismael Zambada.