O resultado do último cribado feito á mocidade no Barco detectou que  14 persoas deron positivo por coronavirus. O dato preocupante é que só acudiron 843 mozos, pouco máis do 40 por cento dos que estaban convocados.

Mozos de 16 a 35 anos facían cola dende as tres e media da tarde para acudir ao cribado a que foron convocados. Son tests de antíxenos cos que ao momento xa poden saber o resultado.

O cribado pretende frear o virus, que non continúe espallándose entre a mocidade. E é que a situación preocupa no Barco, con 96 casos, que dende o sábado pasa a nivel alto.

En Sanidade lembran a importancia de acudir a estes cribados. Este xoves hai outro a 3.000 mozos en Ourense que se vai estender ata o venres polo éxito na autocita.