Un libro que nos transporta á África máis profunda, a esoutra realidade á que tan doadamente lle damos as costas, a un lugar calquera de esa inmensidade continental onde o sufrimento é continuo e a busca de alimentos a única opción de supervivencia.

Non foi doado para Isla mudar de cidade e empezar de cero nun novo instituto. Devecía por dar un paseo polo espazo, avistando planetas a través do telescopio, mergullada no ventre do universo.

A punta de pistola ábrese cunha escena de ritmo trepidante: un delincuente de pouca monta, coñecido como O Varas, e a súa muller, Rica, acoden a un Centro de Acollida Familiar para ver os seus fillos, baixo a tutela dos servizos sociais. Unha vez alí, secuéstranos e lévanos a punta de pistola. 

Novela xuvenil na que nos propón unha historia en dous tempos: o noso presente e os comezos do XIX, nos anos previos á desamortización de Mendizábal.

Magnífica adaptación ao galego, realizada pola escritora e tradutora Ánxela Gracián e ilustrada por Calros Silvar, dunha das novelas máis coñecidas e adaptadas de Jules Verne, xunto A volta ao mundo en 80 días e 20.000 leguas baixo dos mares

Aillada nun xardín, Margarida é a única elefanta do grupo incapaz de conseguir que a súa pel sexa de cor rosa caramelo. Cando os seus proxenitores desisten de impórlle ese aspecto,  poderá por fin descubrir o significado da liberdade e abrirlle o camiño da igualdade ás súas compañeiras.

Rafael tiña dezaseis anos e non era un revolucionario, senón músico.  Mais o asasinato do seu pai e o seus desexo de vinganza levarano a cabalgar canda o xeneral  Pancho Villa, un vello filósofo, Longinos, e  unha moza india, Reina Huarte. 

O neno can é un libro de relatos nos que quixeron abordar asuntos relacionados cos dereitos da infancia, ou máis ben, coa falta de dereitos básicos que unha parte moi importante dos nenos e nenas do mundo padecen hoxe en día.

O peizoque Roque dá vida a un paporroibo que anda á procura da palabra. A palabra como símbolo e como eixo poético.

En Mortos de ningures nárrase o caso dos mortos “ningurenses”. A inspectora Nola, coa colaboración do seu gato Lolo, debe reconstruír o acontecido na cidade de Todures, onde aparecen varios mortos da localidade veciña de Ningures que comparten unha característica: todos eles deixan correr sangue verde. 

Ouvirmos bota a andar a colección “Cociña infantil e familiar” coa publicación do volume Bocadillos e sándwiches. A través deste libro de receitas, e dos nove restantes que completarán a colección, descúbreselles o mundo da cociña aos máis pequenos como actividade lúdica e creativa.

Laura recibe un fermoso agasallo do seu padriño: un papaventos con forma de barco pirata. Un día foi voalo á praia e escapoulle, pero recuperouno chamando por el (xa que se lle ocorrera bautizalo co nome de “Pluma Negra”). 

Dark (un can brango e negro) e Noa (a súa ama) forman unha parella que a pesar das súas diferenzas cultivan unha fermosa amizade basada na confianza, na complicidade e no agarimo

Nesta moderna fábula, os animais protagonistas amosan o choque de mundos entre a maneira natural e e harmónica de vivir no rural e o superficial e frívolo dos habitantes da urbe.

Os Espíritus Azuis é a primeira entrega da serie de cómic Silvana, a filla do explorador. Nesta ocasión, Ramón Marcos preséntanos á súa protagonista, unha rapaza aventureira que viaxa co seu tío Hércules á selva de Sumatra.

A colección Dediños son libros que recollen unha canción, xogos de rima ou ringleiras da tradición oral. As ilustracións presentan uns pequenos furados nos lugares máis significativos para que os rapaces e rapazas introduzan os dediños e animen as imaxes mentres lles é lido o conto.

Os reloxos preguiceiros da cidade de Néboa deixaron de calcular o tempo. Este suceso desorienta aos habitantes da cidade onde unha brétema constante case non deixa ver o sol. A alcadesa Sabela Depresa, xunto coa súa colega detective Lupita Grande, tentará resolver este misterio e chegar á orixe deste extraño caso.

¿E se o pixama fose a roupa de vestir a diario? Os rapaces e rapazas irían á escola en pixama de raias, os xogadores de fútbol, os bombeiros, os varredores... todos con esta prenda pola rúa e nos seus traballos. ¿Será o soño de todo pixama ou máis ben un pesadelo?

Serafina é a protagonista desta historia. Ela vive coa súa tía, dona Perfecta, e a súa maior ilusión é traballar nun circo con Celerífera, a bicicleta coa que fai equilibrismo.

Rodribico é unha pega marza á que lle encanta vivir na fraga rodeado dos seus amigos. Nesta ocasión enfréntase ó reto persoal de botarse a voar, tarefa que coa axuda dos seus veciños se volve máis doada.