Detido o alcalde de Ourense por un presunto delito de tráfico de influencias
O alcalde de Ourense, o socialista Francisco Rodríguez, foi detido esta mañá no seu domicilio por axentes do servizo de Vixilancia Aduaneira de Pontevedra por un presunto delito de tráfico de influencias.
Nestes momentos está sendo trasladado a dependencias policiais na cidade do Lérez. O arresto foi ditado por un xulgado de Lugo.
Canda a detención, as forzas de seguridade efectúan rexistros en diversas dependencias, entre elas a Confederación Hidrográfica Miño-Sil. A operación está aberta e non se descartan novas detencións.
