CRTVG

Buscar

Está pasando

Licitado o enlace da AP-9 coa Cidade da Cultura

29/07/2017 13:33
O Ministerio de Fomento licita a obra do novo enlace da Cidade da Cultura, na AP-9, en Santiago, cun presuposto de case catro millóns de euros.

A obra servirá tamén coma acceso á cidade. Emprazada no quilómetro 70 da Autoestrada do Atlántico, e constará de catro ramais de entrada/saída cos seus correspondentes carrís de aceleración/deceleración, e tres glorietas, unha na marxe leste e dúas na oeste.

Deste xeito permitiranse tódolos movementos entre a Cidade da Cultura e a autoestrada, así como a conexión coas zonas residencias compostelás de Fontiñas e Sar.
ler máis

O Estado asume en solitario a compensación a Audasa pola eliminación de dúas peaxes na AP-9

29/07/2017 13:32
O Estado asume todo o custo da eliminación da peaxe nos dous tramos da AP-9 suprimida en 2006 e que había pagar a medias coa Xunta deica o remate do prazo da concesión, en 2048.

Así pois, Galicia aforra 31 anos de pagamentos.

Segundo un real decreto que publica hoxe o Boletín Oficial do Estado, modifícase o convenio subscrito daquela co Goberno galego e AUDASA.

No seu día buscábase solucionar os problemas de tráfico xerados nos treitos Vigo-O Morrazo e A Barcala-A Coruña.

A novidade é qu agora a Xunta deixará de pagar a parte que lle correspondía en virtude dese acordo.

Na decisión estatal de asumir o gasto íntegro inflúe que os novos importes de compensación á concesionaria son inferiores aos compromisos de gasto autorizados en 2006, o que lle permite a Madrid asumir a totalidade do financiamento.
ler máis

Iberia cancela voos con Venezuela

29/07/2017 13:14
Iberia cancela o voo Madrid-Caracas-Madrid programado este domingo 30 de xullo dadas "a delicada situación en Venezuela e as dificultades operacionais e de seguridade", segundo informa a aerolíña española nun comunicado.
Mañá é cando se celebran as eleccións á Asemblea Nacional Constituínte promovidas por Nicolás Maduro.

Aos clientes afectados por esta cancelación ofréceselles "a mellor alternativa de viaxe posible" noutras datas, a posibilidade de reembolso do billete ou a reubicación noutras compañías. Aos pasaxeiros afectados manténselles o aloxamento no hotel.

Os próximos voos Iberia Madrid-Caracas-Madrid están previstos para o mércores 2 de agosto.
Tamén Air France suspende a ruta París-Caracas ata o martes vindeiro.
ler máis

Licitado o novo enlace da AP-9 coa Cidade da Cultura

29/07/2017 12:32
O Ministerio de Fomento licita a obra do novo enlace da Cidade da Cultura, na AP-9, en Santiago, cun presuposto de case catro millóns de euros.

A obra servirá tamén coma acceso á cidade. Estará no quilómetro 70 da Autoestrada do Atlántico, e constará de catro ramais de entrada/saída cos seus correspondentes carrís de aceleración/deceleración, e tres glorietas, unha marxe leste e dúas na oeste.

Deste xeito permitiranse tódolos movementos entre a Cidade da Cultura e a autoestrada, así como a conexión coas zonas residencias compostelás de Fontiñas e Sar.
ler máis

Fernández Leiceaga anuncia que concorrerá ás primarias á secretaría xeral do PSdeG

29/07/2017 12:10
O voceiro no Parlamento de Galicia do PSdeG-PSOE, Xoaquín Fernández Leiceaga, anuncia en Santiago que concorrerá ás primarias para liderar o PSdeG. Comicios internos á secretaría xeral dos socialistas galegos que se celebrarán o 8 de outubro.

A confirmación chegou esta mañá tras varias ocasións nas que avanzaba que meditaba nesa posibilidade e despois de que a xestora do PSdeG fixase o calendario para as primarias.

Ademais de Fernández Leicega, o deputado pola provincia da Coruña, Juan Díaz Villoslada, confirmou oficialmente a súa intención de concorrer. O terceiro rival que xa avanzou tamén na súa intención aínda que non o confirmou oficialmente tras se coñecer o calendario de primarias é o economista vigués, Gonzalo Caballero.
ler máis

Reunido en Madrid o gabinete de crise de Xustiza tralo fallo de seguridade do Lexnet

29/07/2017 11:24
O ministro de Xustiza, Rafael Catalá, reúnese co seu equipo nun gabinete de crise tralo fallo de seguridade rexistrado no sistema de notificacións Lexnet, que usan tódolos avogados e procuradores de España.

A través da súa conta persoal en Twitter, o ministro Rafael Catalá asegura que está "reunido con mi equipo para prestar un mellor e máis seguro servizo de lexnet nas próximas horas".

Previamente, a través de Twitter, o ministerio aseguraba que o acceso ao sistema quedaba suspendido dende as catro e media da tarde de onte ata ás 8 da mañá do luns para facer o mantemento técnico.
ler máis

Un lume activo e outro estabilizado en Monterrei

29/07/2017 10:38
A consellaría do Medio Rural indica que contra as oito e media da mañá quedou estabilizado o lume rexistrado no concello ourensán de Monterrei, na parroquia de Infesta, que comezou onte á tarde e xa leva queimadas arredor de 70 hectáreas.

Na súa extinción traballan un técnico, seis axentes, 23 brigadas, 11 motobombas, unha pa, 13 helicópteros e 6 avións.

Mentres, segue activo outro incendio nas parroquias de Flariz e Vilaza , tamén en Monterrei, que afectan unhas 150 hectáreas. As lapas principiaron a última hora da tarde de onte.
ler máis

China pídelle a Pyongyang que respecte as resolucións da ONU

29/07/2017 06:14
China pediulle hoxe a Corea do Norte que respecte as resolucións do Consello de Seguridade da ONU e evite accións que poidan aumentar a tensión na zona. A petición formulouna o voceiro do Ministerio chinés de Exteriores tras confirmarse que Pyongyang lanzou esta noite un novo misil balístico intercontinental. O proxectil voou case mil quilómetros durante uns 47 minutos e caeu no Mar de Xapón, entre as dúas Coreas. No que vai de ano o réxime comunista de Pyongyang realizou 12 probas con mísiles.
ler máis

A CIDH concede protección especial a tres deputados venezolanos

29/07/2017 05:19
A Comisión Interamericana de Dereitos Humanos anunciou hoxe a concesión de medidas de protección ao Presidente da Asemblea Nacional de Venezuela, o opositor Julio Borges, e ós deputados Tomás Guanipa e José Guerra, tamén opostos a Nicolás Maduro. Nun comunicado a Comisión de Dereitos Humanos precisa que concedeu esa protección aos 3 deputados porque as súas vidas corren perigo ante a tensión institucional e social existente no país. O pasado día 5 un grupo de civís armados imposibilitou durante horas a saída dos parlamentarios.
O Presidente Maduro convocou para este domingo unhas eleccións para elixir aos membros dunha Asemblea Constituinte que se encargaría de redactar unha nova Constitución. A oposición rexeita participar no proceso por consideralo anti democrático.
ler máis

Seul e Washington lanzan mísiles balísticos

29/07/2017 03:34
EEUU e Corea do Sur realizaron hoxe un ensaio de mísiles balísticos en resposta ao proxectil lanzado horas antes por Corea do Norte. As manobras realizáronse na costa oriental surcoreana con misiles balísticos que teñen un alcance medio duns 300 quilómetros. Seul e Washington xa realizaran un exercizo semellante o pasado día 4 en resposta ao lanzamento do primeiro mísil balístico por parte de Pyongyang. Ante as continuas probas de armas por parte do réxime comunista, o presidente Donald Trump, insinuou a posibilidade de realizar ataques preventivos contra Corea del Norte.
ler máis

O SEBIN detén a un alcalde opositor

29/07/2017 02:51
Ducias de efectivos do Servizo Bolivariano de Intelixencia detiveron a un alcalde opositor mentres funcionarios municipais trataban de impedilo. Os axentes do SEBIN mesmo actuaron encarapuchados e logo de que o Tribunal Supremo venezolano destituise ao alcalde e ordenara a súa detención. O proceso xa se empregou con outros alcaldes opositores a Nicolás Maduro por permitir nos seus concellos protestas anti gobernamentais. O máximo tribunal dictou contra o alcalde detido unha pena de 15 meses de cárcere.
ler máis

Colombia non recoñecerá a Asemblea Constituinte venezolana

29/07/2017 01:20
O Presidente de Colombia, Juan Manuel Santos, afirmou hoxe que o seu país non recoñecerá os resultados da asemblea constituinte de Venezuela, que será elixida este domingo. Santos considera que o proceso ten un carácter anti democrático.
Mentres, o vicepresidente dos EEUU, Mike Pence, reafirmáballe ao líder opositor Leopoldo López, a ameaza de Washington de impor máis sancións a Venezuela se Nicolás Maduro segue adiante coa Asemblea Constituinte. Con este proceso o chavismo busca perpetuarse no poder cambiando a Constitución. Dentro de Venezuela rexeitan a asemblea constituinte a Igrexa católica, a comunidade académica, a patronal e algúns sindicatos.
ler máis

Dous feridos nun accidente de tráfico en Vigo

29/07/2017 00:13
Dúas persoas resultaron feridas esta noite en Vigo tras sufrir un accidente de tráfico na rúa Venezuela. O sinistro produciuse cando dous turismos colidiron frontalmente. Un dos condutores circulaba en dirección contraria e accedeu á rúa na que se produciu a colisión a través do carril bus, que está habilitado para o transporte público. Logo continuou a marcha por un tramo de sentido único. Os servizos sanitarios tiveron que solicitar a axuda dos bombeiros de Vigo para poder excarcerar aos ocupantes dos dous turismos. Como dicimos, un deles está ferido grave.
ler máis

Un xulgado do penal faise co caso Juana Rivas

28/07/2017 22:17

Un xulgado do penal de Granada faise cargo do caso de Juana Rivas, que permanece en paradoiro descoñecido dende que incumpríu a orde xudicial de entregar aos seus fillos ó seu exmarido, condenado por maltrata-la. 

ler máis

O Goberno autoriza 12'9 millóns para obras de conservación en estradas de Pontevedra

28/07/2017 22:12
O Goberno autoriza a licitación de operacións de conservación e explotación en estradas da provincia de Pontevedra por un custo de algo máis de 12 millóns de euros.

As obras executaranse nas estradas N-525, N-550 e N-640.

Os contratos de servizos inclúen entre outros, a traballos de reparación do firme, limpeza de cunetas pero tamén de mantemento do alumeado ou da sinalización.
ler máis

O atacante de Hamburgo é un radical islamita, segundo un medio alemán

28/07/2017 21:11
Novidades sobre o ataque rexistrado esta tarde nun supermercado na cidade alemá de Hamburgo, que causou un morto acoitelado por un asaltante.

Segundo un medio berlinés, o atacante é un radical islamita coñecido polas forzas de seguridade de Alemaña.

O xornal Der Tagesspiegel remite as súas informacións a fontes da investigación.

Apunta, ademais, que entrou en Alemaña como refuxiado.

O ataque no supermercado de Hamburgo causou un morto e catro feridos con lesións provocadas por un coitelo.
ler máis

Falece o bebé británico Charlie Gard, tras unha longa batalla xudicial

28/07/2017 20:13
No Reino Unido, hoxe faleceu o bebé Charlie Gard despois de que os seus pais mantivesen unha batalla xudicial para que lle permitisen tratalo nos Estado Unidos da doenza rara que padecía.

Os pais pretendían trasladar ó seu fillo de once meses ós Estados Unidos en contra do parecer do hospital de Londres que trataba ó bebé.

Finalmente os proxenitores desistiron de seguir coa loita que iniciaran dado que o bebé estaba cada vez peor de saúde.

Hoxe o pequeno Charlie Gard foi desconectado das máquinas que o mantiñan con vida.
ler máis

Vaise normalizando o tráfico ferroviario en Galicia trala folga en Renfe

28/07/2017 18:33
A circulación ferroviaria vaise normalizando en Galicia despois de verse afectada pola folga dos traballadores de Renfe e o Adif.

As liñas que unen A Coruña e Vigo e Santiago Madrid circulan esta tarde con total normalidade segundo informou a compañía.

Non sucedía así pola mañá. Suprimíronse uns 30 trens nos que prevían viaxar unhas 1.800 persoas.

Na estación de Urzaiz, en Vigo, predominaba a sorpresa dos viaxeiros que ao chegar se atopaban cos trens parados nas vías.
ler máis

Aberto ao tráfico o enlace de Sigüeiro coa AP-9

28/07/2017 17:11
O ministerio de Fomento pon en servizo un novo enlace da Autoestrada do Atlántico na provincia da Coruña.

Trátase da remodelación do enlace de Sigüeiro, no concello de Oroso.


Esta actuación forma parte das obras de ampliación que actualmente se están executando na AP-9.

Fomento di que esta obra serve, entre outras cousas, para alivia-lo tráfico de vehículos pesados procedentes do polígono industrial de Sigüeiro.
ler máis

Galicia eleva o teito de gasto case un 5% para 2018

28/07/2017 14:51
Galicia eleva o teito de gasto case un 5% para 2018, queda fixado en 9.487 millóns. O Consello da Xunta deulle luz verde ó que é o primeiro trámite para aprobar os presupostos da comunidade para o próximo ano.

O goberno galego tamén revisa á alza as previsiòns de crecemento para este ano.
A Xunta aproba o seu teito de gasto apenas 24 horas despois de que o Consello de Política Fiscal e Financeira ratificase os obxetivos de déficit para as comunidades en 2018.
ler máis