CRTVG

Buscar

Está pasando

Patricio Sánchez, subdirector do Foro Económico de Galicia: "É o momento de subir salarios; se non é de maneira xeneralizada, si selectiva"

21/09/2017 10:54

O subdirector do Foro Económico de Galicia, Patricio Sánchez, recalcaba esta mañá no 'Galicia por diante' que agora, que estamos saíndo da crise, cómpre repensar a situación actual. Os distintos axentes -dicía- deben avaliar que "aprendemos" destes anos, "cara a onde hai que ir", e propoñer medidas novas para afianzar a recuperación.

Patricio Sánchez destacou que o Produto Interior Bruto galego recuperou niveis de antes da crise, pero non así o mercado laboral, que tardará tempo aínda -asegurou- en coller folgos. Cómpre, segundo dixo, dar un salto para mellorar a calidade do emprego. É o momento tamén -asegurou- de subir salarios, "se non é de maneira xeneralizada, si selectiva", para incrementar o consumo.

Chamou tamén a atención sobre a caída "moi relevante" da poboación activa nova, os mozos de entre 25 e 34 anos. Patricio Sánchez apuntaba dúas causas: o comportamento demográfico en Galicia, cunha poboación cada vez máis envellecida, e a emigración da xente nova cara a outros países na procura de emprego, que cualificou de "auténtico problema".

O subdirector do Foro Económico de Galicia recalcou tamén que o mercado internacional, as exportacións, son as que están sustentando o crecemento da economía galega, pero avisaba de que para seguir medrando "a preocupación tería que ser o mercado interior" porque no consumo privado as cifras "non son tan boas".

En canto ao turismo, avogou por unha política clara, que se centre na calidade, en lograr incrementar o gasto por visitante e aumentar a presenza do turismo internacional.

Patricio Sánchez trasladou tamén a súa preocupación porque a situación política en Cataluña non deixa ver certos problemas e dificultades económicas que se deberían estar debatendo.

ler máis

A UE di que Irán está cumprindo co acordo nuclear

21/09/2017 06:36

As potencias que asinaron o acordo nuclear con irán coincidiron esta noite en que todas as partes están cumprindo co pacto, segundo dixo a xefa da diplomacia europea. Federica Mogherini descartou, ademais, que se poidan renegociar partes dese convenio, selado en 2015, tal e como pediu Donald Trump.

ler máis

Remata o bloqueo dos gardas civís no edificio de Economía

21/09/2017 05:16

Remata o encerro que viviron varios Gardas Civís no edifico de economía da Generalitat.

Estiveron bloqueados 19 horas. Acudiran a primeira hora da mañá ao edifico por orde xudicial para investigar o referendo, pero varios manifestantes quedaron bloqueando o edificio para impedir que marchasen.

Ao final, tiveron que intrevir os Mossos d'Esquadra e fixeron uso da forza porque, segundo publican medios cataláns, os manifestantes guindáronlles botellas de cristal e outros obxectos, ademais de estragar os coches dos gardas civís, enchelos de lixo e roubarlles as pistolas, que logo devolveron.

ler máis

Arden dúas mil hectáreas en Gran Canaria

21/09/2017 05:13

En Gran Canaria, un gran lume declarado nas últimas horas leva arrasadas dúas mil hectáreas.
O lume afecta catro municipios e obrigou a desaxolar 40 persoas.

ler máis

Maduro asegura que o queren matar

21/09/2017 03:11

O presidente de Venezuela, Nicolás Maduro asegura que os Estados Unidos deu a orde para asasinalo e que o líder opositor, Julio Borges, está implicado. Cúlpao de calaquera cousa que lle pase a partir de agora tanto a el como ao país.

ler máis

Operación económica sen precedentes da Reserva Federal

21/09/2017 02:06

A Reserva Federal dos Estados Unidos ponlle fin ós estímulos económicos dese país e mantén os tipos de interese.

ler máis

Son xa 230 os mortos tras o sismos de México

21/09/2017 01:29

Aumenta a 230 a cifra de mortos no sismo de México. A maioría, cen, están na Capital, no DF.

ler máis

A Garda Civil segue sen poder saír da consellería de Facenda, en Barcelona

21/09/2017 01:12

Milleiros de persoas levan varias horas impedíndolle á Garda Civl que saia do edificio da consellería de Facenda, en Barcelona.

ler máis

En prisión o home que atacou dúas gasolineiras en Narón cun coitelo

20/09/2017 19:09

O home, de 40 anos de idade e veciño do concello coruñés de Valdoviño, foi trasladado hoxe ao cárcere de Teixeiro.

Está acusado de roubar cun coitelo dúas estacións de servizo en Narón a semana pasada. Concretamente, acúsaselle de ter roubado na primeira gasolineira uns trescentos euros e na segunda uns mil trescentos.

Xunto a el, a Policía Nacional, detivo outro home por supostamente ter colaborado co atracador. Finalmente a súa participación non quedou demostrada e o xuíz decretou a súa posta en liberdade.

ler máis

Accidente de tráfico no polígono de Monforte

20/09/2017 17:18

Un motorista quedou ferido de gravidade por mor da caída da súa moto. O suceso tivo lugar no polígono de Monforte, en Lugo, preto das tres desta tarde.

O home tivo que ser evacuado do lugar en helicóptero ata o hospital Cristal Piñor de Ourense.

ler máis

Inditex volve aumentar beneficios

20/09/2017 10:26

A téxtil Inditex volve aumentar beneficios. De febreiro a xullo gañou 1.366 millóns de euros. É un 9 por cento máis ca o ano pasado polas mesmas datas.

Desta volta, ademais de aumentar as vendas, o balance que presentou hoxe estivo marcado pola fortaleza do euro.

O grupo de roupa facturou máis de 11.600 millóns en seis meses. Aumentou as vendas un 11 por cento, en comparación co ano pasado.

Nos últimos seis meses abriu tendas en 35 países. Dispón en todo o mundo de máis de 7.400 establecementos. Cada semana abre catro tendas novas.

Inditex afirma que desde xullo do ano pasado creou case 3. 000 empregos novos en España. No resto do mundo, outros 8.000 máis.

ler máis

Quedou sufocado un incendio na central térmica das Pontes

20/09/2017 10:24

Quedou sufocado un incendio na central térmica das Pontes.

Declarouse un lume nunha galería de carbón, polo que os operarios de Endesa pediron o apoio dos bombeiros das Pontes, que á súa vez tiveron que pedir máis efectivos para reforzar a operación.

Finalmente, despois de varias horas de traballo, apagaron o lume e arrefriaron o carbón amoreado.

ler máis

Once réplicas do sismo de México

20/09/2017 06:49

O Servizo Sismolóxico Nacional mexicano informa que ata as catro mañá, hora galega, rexistráronse 11 réplicas do tremor de terra rexistrado nas últimas horas. A máis intensa foi de 4 graos.

O director do Centro Nacional para a Prevención de Desastres, Carlos Valdés, cre que non haberá moitas máis e que non serán fortes porque o sismo se produciu a moi pouca profunidade, a 57 quilómetros.

ler máis

Polo menos 20 nenos mortos nunha escola de México

20/09/2017 06:19

O presidente de México, Enrique Peña Nieto, cifra en 20 nenos e 2 adultos mortos tras derrubarse unha escola de primaria na capital, en Cidade de México.

ler máis

149 mortos en México e ducias de edificios derrubados

20/09/2017 05:47

Segundo o último balance da Protección Civil mexicana, xa son 149 os falecidos tras o sismo de 7,1 rexistrado no centro de México.

55 das vítimas están no estado de Morelos, 49 en México DF, 32 en Puebla, dez no Estado de México e tres no de Guerrero.

As forzas armadas mobilizáronse para garantir a seguridade nos máis de corenta lugares que están colapsados en Cidade de México.

Alí é de noite e os traballos de rescate continúan.

ler máis

O furacán María deixa seis mortos no Caribe

20/09/2017 05:45

O furacán María, de categoría 5, segue a atravesar o Caribe provocando catastróficas perdas materiais e tamén humanas. A falta de confirmación oficial, medios locais falan de ata 6 vítimas mortais e dúas persoas desaparecidas.

ler máis

Montoro acorda a non dispoñibilidade do crédito de Cataluña

20/09/2017 01:13

O ministro de Facenda, Cristobal Montoro acorda a non dispoñibilidade de crédito de Cataluña para os servizos non esenciais despois do prazo de 48 horas que lle deu á Generalitat.

ler máis

Unha delegación de empresarios galegos suspende a súa viaxe a México por mor do terremoto

20/09/2017 00:49

Unha delegación de empresarios galegos encabezados polo conselleiro de Economía, Francisco Conde, suspendeu a viaxe que tiña previsto iniciar este martes a México por mor do tremor de 7 graos de magnitude que sacudiu con violencia os estados de Morelos e de México. No encontro tiñan previsto estreitar as conexións comerciais das empresas galegas coas do país azteca.

ler máis

Os examinadores de tráfico prolongan a folga ata o mes de outubro

19/09/2017 19:10

Segundo informou o presidente da Asociación de Examinadores de Tráfico, Joaquín Jiménez, os examinadores continuarán empregando a mesma fórmula durante o mes de outubro. Non irán traballar os luns, os martes e os mércores.

O colectivo continúa a folga por non ter obtido a suba salarial que solicitaban, con todo aseguran estar esperanzados xa que agardan que este incremento se produza nos próximos Presupostos Xerais do Estado.

A pasada semana suspendéronse preto de nove mil probas, cunha media de tres mil sen realizar cada día de folga.

ler máis

Ryanair busca pilotos para cumprir cos seus voos

19/09/2017 17:22

A compañía ten cancelados máis de dous mil voos ata finais de outubro, entre eles dous previstos para esta noite en Lavacolla: o Madrid - Santiago das oito e media e o Santiago - Madrid das dez e media.

Os pasaxeiros afectados recibiron o aviso vía SMS, onde tamén se lles comunicaba a opción de recibir de volta o importe íntegro do billete ou a posibilidade de ser reubicados noutro voo.

A compañía de baixo coste alega que tivo que cancelar voos por non ter suficientes pilotos debido a un un erro na xestión das súas vacacións.

ler máis