En Serie

Padre Casares Padre Casares

Ficha

 

Data de inicio de emisión: 
Xaneiro 2008
Data de fin de emisión: 
Decembro 2014
Xénero/s: 
Comedia
Director/es: 
Carlos Sedes, Jorge Coira, Manuel Espiñeira
Actor/es: 
Alejandro Carro, Ana Santos, Antonio Durán "Morris", Avelino González, Covadonga Berdiñas, Eva Fernández, Federico Pérez, Fina Calleja, Isabel Risco, María Vazquez, Mercedes Castro, Mon Santiso, Pastor Feal, Patricia Vázquez, Pedro Alonso, Tacho González, Tuto Vazquez, Xosé Manuel Olveira "Pico"
Restrición de idade: 
TP

O padre Horacio Casares, formado nun moderno seminario xesuíta, chega a Louredo, unha pequena vila da costa a substituír ao vello padre Don Crisanto, un home que levaba toda a vida nese lugar. Padre Casares narra, con humor e tenrura, o proceso polo que este home irá encaixando nese lugar, á vez tan próximo e tan afastado do que el era ata ese momento.

O seu obxectivo, o seu soño, era ir a Ruanda -onde xa hai unha misión da súa orde relixiosa- e a punto está de facelo, cando recibe unha chamada urxente do bispo. Precísao para cubrir unha vacante na súa Galicia natal.
Horacio, como bo sacerdote con voto de obediencia, ha de aceptar as consideracións dos seus superiores e chega a Louredo, despois de percorrer unha longa e sinuosa estrada, a substituir ó vello cura.

Inicialmente, cústaballe estar na pequena vila, pero pouco a pouco vai aceptando a súa xente e será aceptado por ela. Verá tamén que alí hai xente que precisa del... e que el mesmo, sen sabelo, necesita deles.