En Serie

Caseiros Caseiros

Ficha

 

Data de inicio de emisión: 
Xaneiro 2014
Data de fin de emisión: 
Abril 2014
Xénero/s: 
Comedia
Director/es: 
Chema Gagino
Actor/es: 
Boris Morandeira, Elena Seijo, Isabel Risco, Pepo Suevos, Roi da Costa, Susana Dans
Restrición de idade: 
TP

Os protagonistas de “Caseiros” son Roi e Lola, dous irmáns desempregados que acaban de mudarse a un apartamento en alugueiro, propiedade de Eladio e Viruca, que teñen un fillo, Lalo, capaz de facer voar o edificio ao menor descoido. Roi e Lola terán que lidar tamén con Dorinda, unha vella inquilina de renda antiga, demasiado afeccionada ao viño de tetrabrick.

Ante as esixencias de Eladio dun contrato fixo para os inquilinos, Roi farase pasar por empregado da Xunta. Esta impostura funcionará durante toda a serie como elemento de tensión, posto que moitas veces estará a piques de ser descuberto na súa mentira. Dorinda, pola súa parte, está ameazada de desafiuzamento. Ocupa un piso xeitoso, aínda que o ten cotroso e botala fóra equivale a actualizar unha renda que suporía unha entrada de ingresos extra para os avarentos caseiros.

A serie, que reinterpreta a realidade en clave de comedia, está dirixida a un público familiar. En “Caseiros” a importancia radica na observación e parodia dos feitos cotiáns, de onde se crean situacións que chegan ao ridículo, grazas ás excentricidades, ao carácter e á conduta dos personaxes.