Desfile infantil no entroido de Xinzo de Limia
Os nenos de Xinzo non perden un só día de Entroido, para iso viven nun dos concellos máis trouleiros por estas datas. Pero, amais, os nenos teñen un día especial para celebrar o Entroido á súa medida: o venres de Entroido é o desfile e concurso de disfraces dos máis pequenos.
Pais dos nenos e profesores dos colexios públicos de infantil e primaria son os encargados de organizar o programa de actos e festivais. Os protagonistas, nesta ocasión non son as Pantallas senón os nenos.
Pola mañá fan o desfile polas rúas da vila e pola tarde o concurso de disfraces, sempre acompañados polos pais e profesores, pero especialmente das charangas que poñen música á festa.
