Programa especial dedicado á figura do pintor Manuel Colmeiro (1901-1999). O artista, falecido o 1 de outubro de 1999, relata aspectos da súa vida e amosa a valoración que fai da arte, da evolución da súa obra e da arte do futuro.

Monforte acolleu o concerto do Xacobeo 99 Camiñantes de Galicia presentado por Juan Pardo con Mela Casal e Gloria Ferreiro. Actúan Marta Sánchez, Alberto Comesaña, Los Piratas, Sabela, Os Cempés, Xosé Manuel Piñeiro e a Banda municipal de gaitas.

A cidade de Ferrol acolle este concerto do Xacobeo 99, presentado por dous ferroláns moi populares: Paula Vázquez e Juan Pardo. Nel actúan Jarabe de Palo, Patricia Soler, Camela, Navajita Plateá, Pecos, Cristina, Cómplices, Edu...

O profesor Xesús Alonso Montero xubílase da súa actividade docente e é obxecto de varias homenaxes. Ana Romaní entrevístao na Radio Galega e con el fala da súa historia como profesor.

O cantautor foi obxecto dunha homenaxe en Salvaterra de Miño que a Radio Galega emitiu en directo. Compositor desde os 17 anos,formou parte de grupos como Os Copens e Marco Balorento, para consolidarse como cantautor posteriormente.

Co concerto que os Rolling Stones deron no verán de 1999 no Monte do Gozo inaugurouse a serie que trouxo a Galicia grandes figuras da música mundial dentro dos concertos da fin do milenio. Éste é un programa especial que se emitiu en directo o día do concerto.

Retransmisión das festas que tiveron lugar nas Prazas da Quintana e do Obradoiro, en Santiago de Compostela, para despedir o século XX e darlle a benvida ao século XXI.

Programa especial realizado en directo desde o exterior da Casa das Ciencias da Coruña e desde o plató de San Marcos, por mor do eclipse total de Sol que no verán de 1999 cubriu toda Europa. 

Durante trinta minutos as campás de Compostela xúntanse para converterse nunha única orquestra e actívanse no chamado Concerto das badaladas que tivo lugar o 25 de xullo de 1999.

Resumo das noticias máis importantes emitidas ao longo de 1999 polos distintos programas informativos da Televisión de Galicia. As imaxes e os protagonistas conforman o son da información.

Serie documental que fai un percorrido turístico por Galicia. En catro capítulos ofrécese unha visión dunha zona de cada unha das provincias galegas. Desde as comarcas máis costeiras coma A Costa da Morte e A Mariña Lucense ata o interior coma O Salnés e A Ribeira Sacra.

 A guerra é o asunto do que se fala neste programa, no que é entrevistado o ex-secretario xeral da OTAN Javier Solana, que rememora os momentos dramáticos dos bombardeos de Iugoslavia, sen dúbida ata daquela a crise internacional máis perigosa desde o final da "guerra fría". Tamén reflexiona sobre o peso histórico que supón ser o home que tomou a terrible decisión de ordear o primeiro ataque armado da OTAN desde a súa creac

Espacio de divulgación da moda e do deseño textil galego en formato magazine documental. Na súa primeira entrega presenta as doce firmas que estarán presentes en toda a serie: Adolfo Domínguez, Kina Fernández, Caramelo, Montoto, Toypes, Unicén, Antonio Pernas, Roberto Verino, Selmark, Pili Carrera, Mafecco e Florentino. O espacio emitiuse tamén para Europa e América.

É o espacio herdeiro do Téquele téquele, que introduce, ademáis do karaoke clásico, o formato dos bailes de salón, previa selección das mellores parellas galegas. Realizado nun plató que reproduce un salón de baile, as parellas compiten no baile. Un xurado puntúa aos concursantes.

Programa musical dirixido a un público mozo que se ofrece, nunha linguaxe moi común con ese público, a converterse en prataforma para queles que teñan algo que dicir e tamén como instrumento para presentar as músicas máis novidosas. No seu primeiro programa son os protagonistas Los Piratas, de Iván Ferreiro, e o cantautor Ismael Serrano.

É unha teleserie ambientada na vila mariñeira de Portozás (un lugar ficticio na Costa da Morte, en Galicia) e que conta a peripecia vital dalgúns dos seus habitantes a partir da chegada ao lugar de Andrés Domínguez, un xuíz novato. 

Entre a Terra e a Lúa é un programa semanal dos Servizos Informativos de media hora de duración. O programa está composto por 2 reportaxes, unha entrevista que fai a propia presentadora e unha ruta cultural.

[traduccion]