CRTVG

  A Coruña é unha cidade que ten diversión todo o ano. Comeza no inverno co entroido, de longa tradición, que alegra a cidade cos 'choqueiros', 'apropósitos' e 'comparsas'.

  Na primavera celebra as cacharelas de San Xoán e no verán as festas de María Pita, que son as que máis animan aos coruñeses.

  E dentro dun longo verán festeiro destacan algúns acontecementos específicos coma a renovación da función do voto á Virxe do Rosario, en agradecemento á liberación do asedio inglés en 1589; a Semana Grande, co Trofeo Teresa Herrera, a competición futbolística máis antiga de España e coa Romaría Galega.

  Pero as festas dunha maior tradición histórica son as do Rosario, que teñen como escenario a cidade vella e que son no outono.

  Outras procesións son a da Nosa Señora das Dores, o 22 de marzo; a de Santa Gema, o 14 de maio e o último fin de semana de agosto a romaría de Santa Margarida, que ten lugar no parque do mesmo nome, con concursos gastronómicos de empanadas.

• Concello: 981 18 42 00
• Protección Civil: 981 220 102 
• Policía Local: 981 241 100 / 092 
• Garda Civil: 981 637 455 / 062 

Galería de imaxes