CRTVG

Santiago, 20.05.2012 (Europa Press).-     A conselleira de Facenda, Elena Muñoz, afirmou que "todas as comunidades autónomas están comprometidas" co cumprimento do obxectivo de déficit para o ano 2012, do 1,5 por cento. Ademais, recordou que Galicia tomou nos últimos anos "as medidas necesarias de contención do gasto". Así o manifestou nunha entrevista na Radio Galega, recollida por Europa Press, na que subliñou que tras o Consello de Política Fiscal e Financeira do pasado xoves "se trata de, neste momento, facer unha aposta dende cero". Sobre a situación da Comunidade galega insistiu en que "Galicia leva moitos anos facendo un gran traballo". ler máis

Santiago, 20.05.2012.-    A tvG2 e a web da CRTVG (www.crtvg.es/deportes) ofrécenlles este domingo aos espectadores galegos a posibilidade de seguir unha rolda de partidos moi importantes para algúns equipos galegos, os primeiros encontros de fútbol para as fases de ascenso.

A partir das 17.30h, o espazo deportivo da tvG2 “A Liga das Cidades” conectará cos campos galegos onde algúns dos equipos están a xogar os seus primeiros encontros das eliminatorias de ascenso.

Ás 18.00h, os seguidores da segunda canle da Galega poderán ver o primeiro partido do C.D. Lugo fronte ao Eibar polo ascenso á 2ªA. Ao longo desta transmisión tamén conectarán co campo do Pontevedra, onde o conxunto da cidade do Lérez tamén xoga a fase de ascenso á 2ªB ante o Español B.

Os dous encontros, Lugo - Eibar e  Pontevedra – Español, ofreceranse tamén en directo pola web da CRTVG (www.crtvg.es/deportes).  

Amais do fútbol, a tvG2 tamén achegará a emoción Liga Endesa ACB de baloncesto. Ás 12.30 h, o Lucentum Alacante xoga o segundo partido de cuartos de final fronte ao FC Barcelona Regal.

ler máis

Santiago, 19.05.2012.- Televisión de Galicia será a próxima anfitrioa para a organización do Congreso Anual das televisións públicas rexionais europeas, agrupadas arredor da asociación Circom. A decisión foi tomada no Comité Europeo de Circom, formado por representantes de 25 países e o Parlamento Europeo, e fíxose pública ao remate do cumio. ler máis

Santiago, 18.05.2012.- Televisión de Galicia obtivo onte na cidade sueca de Malmö o maior galardón recibido pola canle autonómica galega en toda a súa historia. No transcurso dunha gala, celebrada no marco do Congreso Anual de Circom, asociación que agrupa a 269 televisións públicas rexionais de toda Europa, a directora da TVG, Rosa Vilas, recolleu o prestixioso premio Prix Circom á mellor ficción europea por “Matalobos”, serie producida por Voz Audiovisual e ambientada na loita entre clans de narcotraficantes. ler máis

Santiago, 18.05.2012.- A xornada do sábado na TVG preséntase para os espectadores galegos moi futbolística. Ás 19.55h chega a agardada final da Champions League, o partido entre o Bayern de Múnic e Chelsea. Desde o estadio Allianz Arena de Múnic, coa narración de Xosé Manuel Moldes e os comentarios de Fernando Vázquez e Luís Timiraos, a final será máis emocionante ca nunca, con dous equipos en liza que amosaron ser os potentes de Europa e cos alemáns xogando na casa como unha experiencia irrepetible. ler máis

Santiago, 17.05.2012.- A directora da Televisión de Galicia, Rosa Vilas participou hoxe na sesión de apertura do Congreso Anual das televisións públicas rexionais europeas, agrupadas arredor da asociación Circom, que se celebra na cidade sueca de Malmö. Neste acto, a máxima responsable da canle pública galega compartiu escena co presidente de Circom, o belga Jacques Briquemont, e responsables das televisións públicas de Suecia, Grecia, Holanda e Italia.  ler máis

Santiago, 17.05.2012.- Os impostores son personaxes coñecidos para o público galego pero que agora forman un clan capaz de afrontar calquera reto que lles presenten os cidadáns galegos, ante un xurado moi esixente e o veredicto do público presente. Estes cinco galegos, Óscar Pereiro (ciclista), María Mera (actriz), Pili Pampín (cantante), Xacobe Pérez (humorista) e Lito (líder da orquestra Panorama), visitarán lugares de toda Galicia para vivir, durante unha xornada, unha experiencia singular ou unha misión que parece imposible. O artista convidado especial desta noite destinado a integrar o xurado é Coyote Dax. ler máis

Santiago, 17.05.2012.- O espazo cultural “ZigZag Diario” ofrecerá este 17 de maio, data da celebración das Letras Galegas, unha edición especial en que se trazará un percorrido vital do escritor, xornalista, político, xurista e empresario Valentín Paz Andrade. ler máis

Santiago, 16.05.2012.- A Televisión de Galicia recollerá mañá na cidade sueca de Malmö o prestixioso premio Prix Circom á mellor ficción europea por “Matalobos”, a serie producida  por Voz Audiovisual e ambientada na loita entre clans de narcotraficantes. ler máis

Santiago, 16.05.2012.- Con motivo da Semana das Letras Galegas, a Televisión de Galicia ofrece unha serie de estreas cinematográficas con selo galego. Esta noite, despois de “Galegos no Mundo”, ás 23.45h, estréase en primicia en televisión “18 Comidas”, película de Jorge Coira participada pola Galega. Unha longametraxe que conta no seu amplo reparto cunha presenza maioritaria de actores galegos como Luís Tosar, Federico Pérez, Víctor Fábregas, Pedro Alonso, Camila Bossa, José Barato, Isabel Naveira e Antonio Mourelos, entre outros. ler máis