CRTVG

Santiago, 19.06.2013.- Os “Larpeiros” da Televisión de Galicia lembraranse hoxe, a partir das 22.15 horas, desas cousas de comer que, ao igual que coas persoas, se botan de menos ao estar un tempo sen velas. Será entón cando saia a relucir o nome dun peixe que non se adoita comer a miúdo, o congro, unha idea xenial para preparar o prato de hoxe, dadas as múltiples posibilidades que ofrece, como preparalo en salsa verde, con arroz e mesmo con fideos. ler máis

Santiago, 18.06.2013.- A fidelidade dos espectadores aos espazos informativos da Televisión de Galicia segue a determinar moi favorablemente os resultados diarios de audiencia da canle pública galega. Neste senso, este apoio constante volveu deixar rexistros abraiantes, como o deste luns en que o “Telexornal Mediodía” se converteu no informativo máis visto no que vai do mes de xuño entre todas as canles que se poden ver en Galicia. ler máis

Santiago, 18.06.2013.- A película "O Apóstolo" recibiu o Premio do Público no Festival de Cinema de Annecy (Francia), o que supón traer a Galicia un dos recoñecementos máis importantes do mundo da animación. Era a única longametraxe española, dentro das nove películas que competiron en Sección Oficial, neste certame que é referente internacional en animación. ler máis

Santiago, 17.06.2013.-  A Radio Galega emite desde o 17 ate o 28 de xuño as catro obras finalistas do VII Premio Diario Cultural de Teatro Radiofónico, que organiza a Radio Galega coa colaboración da Secretaría Xeral de Cultura, que patrocina o certame. Baixo a dirección de Mariana Carballal, un elenco integrado por oito actores e actrices –Xosé Barato, César Cambeiro, Luisa Merelas, Celso Parada, Estibaliz Veiga, Mela Casal, Belén Constenla, Afonso Becerra- e tres comunicadores –Rocío González, Xosé Baliñas e Santiago Pemán- pon voz aos personaxes dos textos Chovencartos , Despois do sinal,  Suite en 3 movementos  para unha época de noxo, carraxe e indignación e O demo nunca dorme, que se emiten ao longo de dúas semanas en diferentes espazos da Radio Galega. ler máis

Santiago, 17.06.2013.-  A Televisión de Galicia volveu ser esta fin de semana a canle preferida polos espectadores galegos para pasar o seu tempo de lecer no 'prime time' ou faixa de maior consumo televisivo. Así, de venres a domingo, a Galega foi líder no horario de maior consumo televisivo cun 13,9% de cota de pantalla. ler máis

Santiago, 16.06.2013.- Os oíntes de “Pensando en Ti”, o espazo da Radio Galega máis trasnoitador, volveron celebrar este domingo a súa festa anual, que tivo lugar no parque acuático de Cerceda. Esta cita foi tamén moi especial tendo en conta que o director e presentador do programa, Marcial Mouzo, reencontrouse en persoa de novo cos seus oíntes, xa que levaba varios anos ausente da faixa das madrugadas ata o seu retorno na actual temporada. ler máis

Santiago, 16.06.2013.- A praza constitúe tradicionalmente un lugar de encontro, de intercambio de experiencias, é un fogar e, ao mesmo tempo, un lugar de paso, onde están os comercios tradicionais e tamén os máis modernos. É o recuncho para os nacidos alí pero tamén acolle os turistas. Todo iso é o que quere reflectir o novo programa que este serán, ás 20.30 horas, estrea a TVG, “Praza Aberta”.  ler máis

Santiago, 14.06.2013.- A segunda canle da Televisión de Galicia, a tvG2, volve ter como protagonista do verán a Liga San Miguel de Traiñeiras, que comezará esta fin de semana e durará ata o mes de setembro, coa participación dun equipo galego, a Sociedade Deportiva Tirán, de Moaña.

A edición deste ano consta de 19 xornadas e, durante estes tres meses de competición, as 12 mellores tripulacións do País Vasco, Cantabria e Galicia intentarán acadar o prestixioso trofeo “Corona La Caixa”. Os espectadores da tvG2 terán a primeira das citas do campionato este domingo, a partir das 12.00 horas, coa Bandeira Euskadi Basque Country, con saída na Barceloneta, en Barcelona.
   
Tamén poderán seguir a última xornada da OK Liga de hóckey, na que o Liceo xoga fóra da casa ante o Lleida (20.00 horas), nun vibrante partido no que se decidirá quen é o campión do campionato regular. O Liceo depende de si mesmo e unha vitoria adxudicaríalle a OK Liga faga o que faga o Barcelona, que se enfronta ao Igualada.

Ademais, a tvG2 tamén ofrecerá o Torneo Internacional de Narón de Fútbol Base, na categoría alevín. O sábado, a partir das 17.00 horas disputaranse os encontros de cuartos de final da competición, na que participarán equipos de renome como O Porto, Atlético de Madrid ou Atlétic de Bilbao. O domingo poderán ver as semifinais e a final a partir das 16.30 horas.

Esta competición será ofrecida pola web da Televisión de Galicia (www.crtvg.es/deportes), ao igual que os partidos de hóckey Lleida –Liceo e Igualada– Barcelona, que poderán ver de forma simultánea con continuas conexións. ler máis

Santiago, 14.06.2013.-  CIRCOM Regional, a rede de estacións de televisións rexionais públicas de Europa que ten máis de 260 emisoras asociadas en 34 países, expresa o seu total apoio ao servizo público audiovisual de Grecia. Nunha nota feita pública hoxe, o presidente de CIRCOM Regional, Jacques Briquemont, e o secretario xeral, Johan Lindén, amosáronse "impactados pola brutal suspensión de ERT, o servizo público audiovisual de Grecia”. En nome da asociación europea de televisións rexionais, Briquemont lémbralles ás autoridades gregas o papel e a misión da televisión de servizo público en Europa. “É o garante do pluralismo da información, da súa independencia e peza clave das culturas europeas”, engadiu. Para concluír, o presidente de CIRCOM Regional instou ás autoridades gregas “a que revisen esta acción antidemocrática e non profesional e a que modifiquen o antes posible a súa decisión". Na foto superior, Johan Lindén e Jacques Briquemont, durante unha recepción do congreso anual de Circom, desenvolvido en Santiago o pasado mes de maio. ler máis

Santiago, 14.06.2013.- A Televisión de Galicia únese ás mostras de afecto pola desaparición do versátil Xosé Manuel Olveira "Pico", un dos actores máis coñecidos da escena teatral e do audiovisual galego, lembrando dúas das súas intervencións artísticas máis populares no eido audiovisual. Para esta homenaxe, a canle pública galega modificará a programación prevista para hoxe e mañá na faixa da tarde.  A primeira escolla que fixo a Galega foi lembrar este venres ás 17.30 horas o papel de Pico en “Pratos Combinados”, unha das primeiras series da TVG na que interveu, ademais de “Mareas Vivas”, e que o fixo popular en todos os fogares galegos. Nesta comedia, o seu personaxe era o avogado Pedro Barreiro, viúvo con dous fillos, Roi e Paula, e clave nas vivencias do barrio ao carón dos Pereira do Bar Suízo. O sábado, a partir das 16.15 horas, a Galega ofrecerá “Sinbad”, película recente baseada na obra “Se o vello Sinbad volvese ás illas” de Álvaro Cunqueiro e coproducida por Televisión de Galicia e Ficción Producciones, na que Pico era o protagonista. Esta ficción, que formou parte do proxecto de Televisión de Galicia, “Un Mundo de Historias”, foi rodada en 2011 baixo a dirección de Antón Dobao e contou amais nos papeis principais con Sara Casasnovas (Vanesa) e Mariña Sampedro (Sara). ler máis