CRTVG

Buscar

CRTVG Viva

"Vivan as Tardes!" conversará con Paulo, un inmigrante que ao chegar lles tiña medo ás mulleres brancas

07/12/2017

O espazo da TVG presentado por Pili Pampín (17.20 h.) tamén recibirá este venres a visita de Aaron, un campión no deporte e na vida

"Vivan as Tardes!" conversará con Paulo, un inmigrante que ao chegar lles tiña medo ás mulleres brancas

Santiago, 08.12.2017.-   Paulo, un dos protagonistas de hoxe de “Vivan as Tardes!”, deixou o seu país porque quixo e ao chegar aquí tíñalles medo ás mulleres brancas. Con el vén Samuel, un amigo que seguramente lle axudou a superar ese temor.

O espazo da TVG tamén recibirá a visita de Aaron, que é un campión no deporte e na vida. A súa nai, Rosa, di que se meteu no boxeo para botar fóra a rabia causada por acontecementos que lle foron ocorrendo.

Ademais, estarán con Pili Pampín Marga e Manuel, que eran dous seres solitarios e tristes. As ondas da radio fixeron maxia e a alegría entrou nas súas vidas. Manuel, que era viúvo, está convencido de que a súa primeira muller lle mandou a Marga desde o ceo.