CRTVG

Buscar

CRTVG Viva

O especial 'Feliz ano' dá a benvida a 2020, en directo, na Radio Galega

31/12/2019

A emisora pública inclúe tamén música e humor entre as súas propostas

O especial 'Feliz ano' dá a benvida a 2020, en directo, na Radio Galega

Santiago, 31.12.2019.- A Radio Galega ofrecerá unhas propostas moi festivas para celebrar a Noitevella, que darán comezo hoxe, ás 20.30 horas, cunha edición especial do divertido programa 'Como que non?'. Humor e tolemia sen fin para esta noite, baixo a batuta de Carlos Tresandí.  

A partir das 23.30 horas, María Xosé Rodríguez porase á fronte de 'Feliz ano', o especial de fin de ano da emisora pública, en directo, que pouco antes da media noite conectará coa retransmisión das badaladas da TVG.

Moncho Lemos e a súa selección musical nunha edición única de 'Fondos reservados' acompañarán os oíntes desde as 3.00 horas da madrugada.

Na xornada festiva do 1 de xaneiro, o programa 'Efervesciencia' ofrecerá ás 20.10 h un especial sobre o mellor do ano na ciencia galega, dirixido por Manuel Vicente. De novo, 'Fondos reservados' será a sintonía da Radio Galega, desde as 22.00 h ata as 1.00 horas, que dará comezo o primeiro 'Pensando en ti' do novo ano.

Na foto, María Xosé Rodríguez, quen realizará o especial 'Feliz ano' na Noitevella.