CRTVG Viva
Especial Letras Galegas hoxe en EIRADO, cunha fonda achega á figura de Lois Pereiro
O espazo cultural da tvG2 falará do poeta monfortino co seu irmán, Xosé Manuel Pereiro, co escritor Manuel Rivas e co tesoureiro da RAG, Manuel González
Santiago, 14.05.2011.-O programa “Eirado” ofrece esta noite unha edición especial dedicada a Lois Pereiro na tvG2 (o domingo na TVG, ás 10.30h), o escritor homenaxeado este ano no Día das Letras Galegas, que morreu con só 38 anos e cuxa obra publicada é escasa e pouco coñecida. A súa voz cosmopolita e descarnada marcou un fito na poesía galega de finais do século XX e, 15 anos despois da súa desaparición física, congrega adhesións e paixóns de xentes de todos os ámbitos, estilos e xeracións.
A Galega únese en maio á Festa das Letras 2011, dedicada ao poeta e mito existencial Lois Pereiro (1958-1996)
TVG e tvG2 concentran nestes días unha temática específica nos programas culturais “ZIGZAG DIARIO” e “EIRADO”, en “VIVIR AQUÍ” e no cine galego
Santiago, 12.05.2011.- As canles da Galega ofrecen a súa particular programación centrada na festa das Letras Galegas, á que se une con programas específicos e culturais, dos que é protagonista o poeta Lois Pereiro (Monforte de Lemos 1958 – 1996 A Coruña), a figura literaria homenaxeada este ano, recuperando e valorando a súa obra como mito marxinal cosmopolita e escritor militante na contracultura e no existencialismo.