CRTVG Viva
A Academia española de Televisión entregoulle á TVG o premio ao Mellor Informativo Autonómico
O galardón, entregado nunha gala celebrada en Aranjuez (Madrid), foi concedido pola cobertura realizada pola canle pública galega sobre a catástrofe ferroviaria de Angrois
A directora de TVG agradeceu o recoñecemento aos valores do "servizo público e a información de proximidade" se ben lamentou que o premio fose por un feito tan tráxico
Santiago, 11.06.2014.- A Academia das Ciencias e as Artes de Televisión, que preside Manuel Campo Vidal, entregoulle a noite pasada a Televisión de Galicia no premio ao Mellor Informativo Autonómico de 2013, nun acto celebrado no Gran Casino da localidade madrileña de Aranjuez e que reuniu a máis dun milleiro de profesionais da maior parte das canles e sectores do mundo televisivo.