CRTVG Viva
"Galicia, terra meiga", o tema que fixo de Ana Kiro un mito da canción galega, protagonista de "No bico un cantar"
Santiago, 22.01.2013.- Na súa cuarta entrega, o programa “No bico un cantar” achegarase hoxe, ás 22.15 horas, a todo un éxito da música galega, “Galicia, terra meiga”, unha canción que lle deu o punto de partida como artista estrela a Ana Kiro.
TVG ofrece "Ana Kiro. Toda Unha Vida", un especial sobre a raíña da canción popular galega
Dada a proximidade do aniversario do seu pasamento, a canle pública ofrecerá esta noite e o próximo sábado dous programas a modo de homenaxe á artista arzuá
Hoxe, Sonia López e Ricardo Pardo achegarán algunhas das súas mellores actuacións musicais e darán paso a unha das súas galas máis lembradas
Santiago, 17.09.2011.- Televisión de Galicia ofrece esta noite o especial Ana Kiro. Toda Unha Vida, dedicado á considerada raíña da canción popular galega, a uns días de cumprirse o primeiro aniversario do seu pasamento (24 de setembro de 2010). Dada a proximidade desta data e a modo de homenaxe, a Galega ofrecerá senllos programas especiais, esta noite e o próximo sábado, onde se recuperarán algunhas das mellores actuacións como cantante da versátil artista arzuá.
A TVG volve emitir “MIÑA SOGRA E MAIS EU”, a primeira serie en que Ana Kiro interveu como actriz protagonista
Santiago, 25 outubro 2010.- A partir desta noite, despois de “Pratos Combinados”, a Televisión de Galicia volve emitir a serie “Miña sogra e mais eu”, a primeira ficción en que a Ana Kiro interviña como actriz protagonista.
Pesar polo pasamento de Ana Kiro
A CRTVG traslada o seu pesar e amosa a súa condolencia polo falecemento de Ana Kiro, artista cuxa traxectoria persoal e musical ten unhas fondas e fortes raíces nos medios de comunicación públicos galegos, onde desenvolveu as súas facetas como actriz, cantante e presentadora. Tanto na Televisión de Galicia como na Radio Galega, a artista deixou a pegada dunha grande calidade humana e dun talento profesional que fixeron posible que Ana Kiro quede xa para sempre no
Na súa memoria, a TELEVISIÓN DE GALICIA está a realizar desde esta mañá unha completa cobertura desde Mera, lugar de residencia da cantante de Arzúa e localidade onde está instalada a capela ardente, e desde Castañeda, a aldea onde naceu, para dar cumprida conta nos seus espazos informativos das declaracións e das persoas que se acheguen a dar o último adeus á artista.