CRTVG

Buscar

CRTVG Viva

Programación TVG

La Terremoto de Alcorcón, De Vacas, Hevia e Marlène Mourreau enchen de festa 'Luar' coa súa mellor música

06/05/2022

En Casa del Herrero, a orquestra La Fórmula, Lirolai e a Banda de Gaitas de Xinzo de Limia completan o variado elenco artístico deste vernes (22.00 h)

La Terremoto de Alcorcón, De Vacas, Hevia e Marlène Mourreau enchen de festa 'Luar' coa súa mellor música

Santiago, 6.5.2022.-  O musical ‘Luar’ (22.00 h), cita obrigada para a diversión cada venres á noite na Galega, propón nesta ocasión un variado elenco de artistas e estilos, adaptados a todos os gustos. Tratándose dun ambiente festivo e de pasalo ben, unha convidada única será a versátil cantante, actriz, humorista e vedette La Terremoto de Alcorcón, que de seguro converterá en espectáculo cada unha das actuacións coas súas xocosas parodias musicais.

Outro grupo que leva acadados numerosos éxitos coas súas versións de coñecidas cancións é o cuarteto galego de De Vacas, que hoxe lle presentará a audiencia da Galega a súa reinterpretación da canción ‘Ateo’, de C. Tangana e Nathy Peluso. Co título de ‘Beo beo o Xacobeo’ e co humor que as caracteriza, Faia Díaz, Inés Salvado e Paula Romero, con Guillerme Fernández á guitarra, chancearán en ‘Luar’ coa posibilidade de que se celebre un terceiro ano santo en Compostela.

E continuando con mulleres virtuosas e moi afamada para os espectadores, ‘Luar’ contará esta edición cunha das vedettes máis recoñecibles do panorama artístico, a tamén actriz, presentadora de televisión e modelo francesa Marlène Mourreau.

O espazo mudará de estilo co gaiteiro asturiano Hevia, moi popular pola súa invención da gaita electrónica, recalará no programa para amosar algunha das súas propostas máis recentes. O músico leva anos seguindo a pegada dos antigos gaiteiros da súa terra no continente americano, onde deu forma ao proxecto ‘Al son del indianu’.

Na presente edición, a audiencia poderá ver tamén nun rexistro moi diferente ao cotiá o xornalista e presentador do ‘Galicia noticias’, Eduardo Herrero, na súa faciana artística á fronte do grupo En Casa del Herrero, o seu proxecto musical en que se decanta por sons que beben do blues, country e rock and roll.

O espectáculo que traerá a orquestra La Fórmula e os sons tradicionais do grupo de pandeireteiras Lirolai e a Banda de Gaitas de Xinzo de Limia completan as variadas intervencións musicais deste venres.

Finalmente, Xosé Ramón Gayoso e Trisha Fernández darán paso unha nova edición de ‘Recantos’, con Mixel (Galicia centro) e Dan Ale (A Mariña) en competición. O dúo Campos e Crespo achegará os números de humor da velada, mentres que o bote do concurso telefónico parte hoxe con 12.000 euros.

ler máis

O cantante ourensán Luís Cepeda será posto a proba polos seus fans no 'Land Rober Tunai Show'

05/05/2022

Ademais, esta noite (21.55 h) volve o axente da Garda Civil máis famoso e desta volta terá un bo barullo porque lle queren cobrar as tapas

O cantante ourensán Luís Cepeda será posto a proba polos seus fans no 'Land Rober Tunai Show'

Santiago, 05.05.2022.-   O ‘Land Rober Tunai Show’ recibe este xoves o cantante Luís Cepeda. O artista de Ourense vai pintar a mona e o programa vai poñelo a proba cos seus fans no ‘Móllate e canta’. Ademais, como sabe moito de amoríos, vai xogar co público. Adiviñará se son parella ou descoñecidos?

Por se fose pouco e como a actualidade manda, volve o axente da Garda Civil máis famoso. Desta vez terá un bo barullo porque lle queren cobrar as tapas. Todo isto e moito máis, este xoves na TVG, con Roberto Vilar, Eva Iglesias e Miguel Canalejo.

ler máis

Remata hoxe a terceira rolda do concurso 'A Sariña busca pretendentes' e toca afrontar clasificación e expulsión

04/05/2022

Cada un dos equipos fará o imposible por cumprir coas súas misións de obra, pero ademais terán que atender os veciños con humor e paciencia e recibir a inesperada visita das parellas xa clasificadas para a gran final

Remata hoxe a terceira rolda do concurso 'A Sariña busca pretendentes' e toca afrontar clasificación e expulsión

Santiago, 4.5.2022.-  No emocionante programa desta semana de ‘A Sariña busca pretendentes’ (23.05 h), remata a terceira rolda do concurso e tocará afrontar expulsión e clasificación. Para entrar na gran final parten como favoritos ‘Os Cherinkas’, pero ‘Os de Vimianzo’ non deben confiarse, xa que os seus adversarios aínda teñen opcións e poden dar a sorpresa.

Coma sempre, todo dependerá dos avances na reforma, que neste caso será na zona da escaleira, no salón do andar inferior e na cancela da entrada á eira. Cada un dos equipos fará o imposible por cumprir coas súas misións de obra, pero ademais terán que atender os veciños con humor e moita paciencia.

Por se todo isto fose pouco, a inesperada visita dos equipos xa clasificados desestabilizará o precario equilibrio entre as parellas, que sufrirán e gozarán desta visita a partes iguais. O resultado desta explosiva combinación verase na gala de desterro, pero antes toca ir a por todas.

‘Sempre nos quedará a Sariña’
 
A continuación, no noveno programa de 'Sempre nos quedará a Sariña', catro veciños de Coristanco, Juan Ramón, José, Pili e Carmen, debaterán sobre os mellores momentos da emisión desta noite. Nesta entrega, unha parella clasifícase para a final, outra continuará tres semanas máis loitando pola casa e a terceira ten que despedirse para sempre da Sariña. Estarán os veciños contentos co resultado?


ler máis

O 'Tupper Club' da TVG ábrelles as súas portas ao presentador Xosé M. Parada, aos membros da Roda e ao cantante e bailarín Xisco Feijoó

03/05/2022

Os tres responderán á chamada do chef Álex Iglesias, que lles proporá competir polo ouro do programa con receitas clásicas da cociña galega

O 'Tupper Club' da TVG ábrelles as súas portas ao presentador Xosé M. Parada, aos membros da Roda e ao cantante e bailarín Xisco Feijoó

Santiago, 3.5.2022.- Na segunda entrega do ‘Tupper Club’ (23.00 h), a exclusiva sociedade gastronómica da TVG, o chef e presentador Álex Iglesias convidará a participar o presentador galego Xosé Manuel Parada, os membros do coñecido grupo A Roda e o cantante e bailarín Xisco Feijoó. Os tres responderán a súa chamada cando lles propoña competir polo ouro cunha receita que poden escoller entre as clásicas da cociña galega.

Parada atreverase a cociñar desde unha granxa no interior galego e apostará por unha torta de queixo, cun queixo que fará el mesmo. Pero durante o cociñado decidirá facer unha videochamada que ninguén agarda e que regalará unha emocionante conversa. Será iso o que o pon nervioso e o que fai que case non poida acabar a receita?

O grupo A Roda pensou que a súa cociña era un palco. Os espectadores non poden perder as cancións, coplas e contos que non deixarán de botar mentres intentan sacar adiante unha carne con cervexa que se complicará por momentos. Seica cociñar en grupo non se lles dá tan ben como actuar.

A pasta con gambas de Xisco Feijoó pasará á historia do ‘Tupper Club’. Para saber se está boa haberá que ver as catas dos rivais do artista galego, que cociñará desde a súa casa en Vigo, para a sorpresa do seu compañeiro de piso.


ler máis

O espazo 'Cos pés na terra' acompañará hoxe un labrego e un axente medioambiental

02/05/2022

Os espectadores tamén coñecerán un proxecto equino orientado á doma natural

O espazo 'Cos pés na terra' acompañará hoxe un labrego e un axente medioambiental

Santiago, 2.5.2022.-  ‘Cos pés na terra’ (23.10 h) acompañará hoxe a Emilio, un axente medio ambiental co que o equipo do espazo da TVG patrullará os montes ao tempo que coñece polo miúdo o seu traballo.

ler máis

O equipo do 'Galicia bonita' atópase hoxe cun despropósito de vivenda en Vilaboa, reformada a anacos polo seu dono

01/05/2022

A paciencia da arquitecta porase a proba co xefe de carpinteiros, que desatende as súas funcións nesta obra, e ante o carácter forte do propietario da casa

O equipo do 'Galicia bonita' atópase hoxe cun despropósito de vivenda en Vilaboa, reformada a anacos polo seu dono

Santiago, 1.5.2022.-  O equipo de ‘Galicia bonita’ (23.05 h) chega hoxe a Vilaboa, onde a arquitecta atopará un despropósito de vivenda reformada a anacos por Jose, o seu propietario. Ademais, Carlos, o xefe de carpinteiros, andará saltando dunha obra a outra desatendendo as súas funcións o que, sumado ao forte carácter de Jose, porá a proba a paciencia e o bo facer de Rosa Facal

ler máis

Natalia e Chenoa cantan a dúo esta noite en 'Luar', onde tamén destacan o Real Coro Toxos e Flores e Sito Sedes

29/04/2022

As propostas musicais do programa complétanse cos ritmos latinos da orquestra Los Coleguitas e coa diversión dos sons de charanga de Faíscas da Pontraga

Natalia e Chenoa cantan a dúo esta noite en 'Luar', onde tamén destacan o Real Coro Toxos e Flores e Sito Sedes

Santiago, 29.4.2022.-  Este venres poderase coñecer o último proxecto de Natalia no musical da Galega. Nesta ocasión, a cantante gaditana achegará o sinxelo titulado 'Lento', xunto a Chenoa, a súa grande amiga e compañeira da primeira edición do concurso Operación Triunfo, que tamén interpretará en ‘Luar’ (22.00 h) algúns dos seus temas máis aplaudidos.

Unha das nosas formacións de música tradicional históricas, o Real Coro Toxos e Froles, de Ferrol, que está conmemorando 100 anos das súas primeiras gravacións musicais no disco ‘Romaxe galega 1922’, ofrecerá hoxe algunhas das súas foliadas máis bailadas.

Tamén esta noite ‘Luar’ dará a benvida a todo un mito da música popular galega e histórico vocalista de Los Satélites, o gran Sito Sedes, que regresou aos escenarios co álbum ‘Siboney’, unha recompilación de medio século de música.

Amais, os ritmos latinos da orquestra Los Coleguitas, de Pontevedra, e os sons de charanga de Faíscas da Pontraga traerán a diversión que caracteriza cada unha das súas actuacións.
    
E finalmente, Xosé Ramón Gayoso e Trisha Fernández darán paso unha nova edición de ‘Recantos’, con Jennifer Cambón (Terras de Ordes) e Ara Nieto (Costa da Morte) en competición. O bote do concurso telefónico ascende hoxe a 11.500 euros.


ler máis

Para os concursantes de 'A Sariña busca pretendentes', esta semana vai ser todo un reto avanzar na obra

26/04/2022

O equipo gañador da proba inicial vai poder entorpecer as misións dos seus contrincantes, o que vai complicar tanto a reforma coma as relacións

Para os concursantes de 'A Sariña busca pretendentes', esta semana vai ser todo un reto avanzar na obra

Santiago, 27.4.2022.- No programa desta semana de ‘A Sariña busca pretendentes’ (23.10 h), os perdedores do xogo de recompensa vanse enfrontar aos terribles castigos que lles van vir impostos polo ‘sarxento dos tres males’. Grazas a este poder, o equipo gañador da proba inicial vai ter o ‘permiso’ do programa para entorpecer as misións de obra dos seus contrincantes.

Obviamente, esta particular situación vai complicar tanto a reforma coma as relacións, xa que para os concursantes vai ser todo un reto poder avanzar na obra. Aínda así, ‘Os Cherinkas’ tratarán que dalo todo na zona do comedor, mentres que ‘Os Tiktokers’ van facer o propio no salón. No exterior, ‘As Dispostas’ van seguir na zona da fachada lateral, onde terán que construír as contras de madeira e acondicionar o muro.  

E non podían faltar as accidentadas citas cos veciños deste pequeno lugar de Coristanco, en que, coma sempre, van tratar de valorar cal das parellas lles resulta máis interesante. Xa se sabe que para escoller un novo veciño hai que ter moitas cousas en conta, sobre todo, cando o gran premio final é unha casa como A Sariña.


‘Sempre nos quedará a Sariña’
 
A continuación, no cuarto programa de 'Sempre nos quedará a Sariña', cinco veciños da vila de Coristanco verán xuntos a edición de 'A Sariña busca pretendentes' e debaterán arredor do sucedido esta semana. Os cinco veciños que participan, Lupe, Juan Ramón, José, Pili e Josefa, verán como a rivalidade entre 'Os Cherinkas' e 'Os Tiktokers' segue. Algúns destes veciños comezarán a tomar partido por unha das parellas.




ler máis

Dous innovadores proxectos, un de comercialización de ovos e outro de artesanía, protagonistas no 'Cos pés na terra'

25/04/2022

O programa tamén ten este luns unha cita cun home que atopou nos regos un novo futuro profesional

Dous innovadores proxectos, un de comercialización de ovos e outro de artesanía, protagonistas no 'Cos pés na terra'

Santiago, 25.4.2022.-  O programa ‘Cos pés na terra’ (23.10 h) vai coñecer hoxe o proxecto de Ana e César, dous rapaces que debuxaron un futuro tan redondo coma os ovos que comercializan, sexan de galiña de Mos, de ganso ou de pato.

O espazo da TVG ten tamén unha cita con Daniel, un home que acaba de atopar nos regos un futuro profesional novo traballando para un restaurante. Así que con el o equipo de ‘Cos pés na terra’ apañará para despois cociñar algunha delicia.

Ademais, os espectadores poderanse mergullar no proxecto de artesanía de Ana, Mar e Lucía. Verán como transforman a folla do millo en fermosas bonecas ás que non lles falta detalle.



ler máis

'Galicia bonita' afronta a reforma dunha casa feita a anacos en Porto do Son, cuns cochos tamén en estado lamentable

24/04/2022

O equipo terá dificultades para levar a cabo as obras, debido aos problemas do propietario para conciliar o seu traballo, en quenda de noite, cos arranxos na vivenda durante o día

'Galicia bonita' afronta a reforma dunha casa feita a anacos en Porto do Son, cuns cochos tamén en estado lamentable

Santiago, 24.4.2022.-  Nesta ocasión, o equipo de ‘Galicia bonita’ (23.15 h) percorrerá a península da Barbanza. A vivenda de Martín, no concello de Porto do Son, é unha casa feita a cachos e ampliacións cun peche, unha cuberta e uns cochos para os cans en estado deplorable. A arquitecta Rosa Facal confía plenamente na disposición de Martín, porén, as complicacións dunha reforma comedida poden vir polas dificultades do dono da casa de conciliar o seu traballo habitual, en quenda de noite, cunha intensa semana de obras durante o día. 

ler máis