CRTVG

Buscar

CRTVG Viva

Programación TVG

A cómica e actriz Carmen Ruiz chega esta noite para revolucionar o 'Land Rober Tunai Show'

29/09/2022

Descubrirá o talento que hai en Galicia nunha nova entrega de ‘Dando a nota’ e os espectadores tamén a verán en acción nunhas ‘Primeiras citas’ un tanto peculiares (22.00 h)

A cómica e actriz Carmen Ruiz chega esta noite para revolucionar o 'Land Rober Tunai Show'

Santiago, 29.09.2022.-    Este xoves vén a pintar a mona ao ‘Land Rober Tunai Show’ unha cómica e actriz ben argalleira. Chega Carmen Ruiz para descubrir o talento que hai en Galicia nunha nova entrega de ‘Dando a nota’, e os espectadores tamén a verán en acción nunhas ‘Primeiras citas’ un tanto peculiares.

Ademais, volven as falcatruadas de Chefa. Desta volta, descubrirase en que gastou os cartos que levou da subvención do suposto coche eléctrico. Por se fose pouco, o público do estudio vai ser o protagonista porque chega a sección ‘O que máis’, en que o programa presentado por Roberto Vilar coñecerá un pouquiño máis dos seus seguidores.

ler máis

Os galegos Manuel Manquiña e Víctor Fábregas pintan a mona hoxe no 'Land Rober Summertime'

25/08/2022

O presentador Roberto Vilar estará tamén acompañado nos variados sketchs cómicos por Eva Iglesias e Miguel Canalejo

Os galegos Manuel Manquiña e Víctor Fábregas pintan a mona hoxe no 'Land Rober Summertime'

Santiago, 25.8.2022.-   O humor con maiúsculas será protagonista, un xoves máis, na Televisión de Galicia, que ofrecerá unha nova entrega de ‘Land Rober Summertime’ (23.05 h), unha refrescante oferta coa que os amantes da comedia poden vivir este verán os mellores momentos e os sketchs máis hilarantes deste programa de referencia na canle pública.

Os convidados que pasarán esta noite polo escenario do ‘Land Rober Summertime’ serán un dos nosos actores máis queridos polo público galego, Manuel Manquiña, e outro dos nosos humoristas galegos tamén máis recoñecidos, Víctor Fábregas. Os dous pintarán a mona, dando boa mostra no espazo das súas habilidades para a diversión. Por suposto, unha edición máis cómpre salientar a participación do presentador Roberto Vilar, apoiado nos variados sketchs por Eva Iglesias e Miguel Canalejo, para que os espectadores gocen da festa rachada que proporá a Galega.
    
Nesta edición de verán do ‘Land Rober’, os espectadores asistirán, amais, aos sketchs de ‘Fontanería Paco e Fillo’, amais, Jonathan non fala e os pais lévano ao centro de saúde e Marta, a nova presidenta de Indatex, acode ao comedor da empresa. Tamén se desenvolverán dous xogos. Por unha banda, no ‘A quen lle pasou?’ contarase unha anécdota vergoñenta de alguén do público e, pola outra, en ‘A nai de quen?’ participarán os nenos Lucía, Yose, Daniel e Noel.


ler máis

'É hora de festa' trae hoxe o amplo abano de sabores da última edición da Festa da Empanada da Bandeira

24/08/2022

O espazo dará conta do ambiente e as actividades celebradas neste evento gastronómico e tradicional do verán galego

'É hora de festa' trae hoxe o amplo abano de sabores da última edición da Festa da Empanada da Bandeira

Santiago, 24.8.2022.-  O programa ‘É hora de festa’ (23.10 h) dará conta este mércores dunha celebración gastronómica e de gran tradición en Galicia, como é a Festa da Empanada de Bandeira, que esta fin de semana pasada celebrou a súa 46 edición. Coma sempre, Olaya Rivas e Iván Müller levarán a audiencia polas reviravoltas deste festexo popular que, en cada cita anual, fai as delicias dos asistentes.

ler máis

'Casamos!' achega esta noite a historia dun amor intenso, o de Isma e Adolfo

23/08/2022

Despois de dous anos de relación, a parella selará o seu amor nunha romántica cerimonia na praia

'Casamos!' achega esta noite a historia dun amor intenso, o de Isma e Adolfo

Santiago, 23.08.2022.- O espazo máis romántico da TVG, ‘Casamos!’ (23.10 h) dá a coñecer esta noite a historia de amor de Isma e Adolfo, dous mozos de Vigo que se atoparon a través das redes sociais. Adolfo deu o primeiro paso e escribiulle a Isma por Instagram. Isma contestou e aí xurdiu todo.

A primeira cita tivo lugar xa ao día seguinte e o primeiro bico non tardou en chegar nun lugar moi especial para a parella, a Virxe da Rocha, en Baiona. Ese mesmo lugar foi escenario tamén, un ano despois, da pedida de man da parella e desta volta foi Isma o que se axeonllou!

Agora, despois de dous anos de relación, a parella selará o seu amor nunha romántica cerimonia na praia! No acto non faltarán as sorpresas, as bágoas de ledicia e emoción e o amor… moito amor!


ler máis

Noite de ficción galega na TVG, cun maratón da serie 'Saudade de ti' e a emisión do filme 'The Way'

22/08/2022

A canle pública ofrecerá unha tripla entrega de novos capítulos da serie galega de éxito do verán e cinema inspirado no Camiño, protagonizado por Martin Sheen e participado pola Televisión de Galicia

Noite de ficción galega na TVG, cun maratón da serie 'Saudade de ti' e a emisión do filme 'The Way'

Santiago, 22.8.2022.-   O luns á noite, a ficción galega volve ser protagonista da programación da Televisión de Galicia, coa emisión de tres novos capítulos da serie ‘Saudade de ti’, e da longametraxe ‘The Way’ ('O Camiño'), película con selo galego e incluída no ciclo ‘Quero ver unha peli contigo’.

O maratón da serie ‘Saudade de ti’ (22.40 horas) comeza hoxe con Noa e as súas pescudas sobre a suposta paternidade de Albelos. Coa axuda de Brais, intentará corroborar estas suposicións. Quen tamén anda coa mosca na orella respecto ao doutor é Celia, o comportamento do seu amigo é moi sospeitoso. Trata de ocultar algo e Celia pensa descubrilo. Pola súa parte, Raúl alíase con Dimas e trata de facer realidade o seu plan de negocio en Porto de Abrente, aínda que o interese pola idea non é o que agardaban. Na empresa, Adela e Mónica teñen asuntos máis urxentes. Gaspar non llo está poñendo doado a Mónica e déixalle moi claras as súas condicións. Para poder pechar o trato cos transportistas terán que renunciar a moitas das súas vantaxes, e pode que algo máis...

Ao remate da emisión de ‘Saudade de ti’, a Televisión de Galicia achegará esta noite ‘The Way’ (00.25 horas), longametraxe que conta coa participación da canle pública galega, dirixida por Emilio Estévez e co seu pai, Martin Sheen, como protagonista. A película é un sentido tributo ás raíces galegas da popular saga artística, asentada nos Estados Unidos.
 
‘The Way’ é a cuarta película de Emilio Estévez como director e guionista. Na longametraxe, o director trata de abordar a última oportunidade dun pai para coñecer a seu fillo a través da súa viaxe persoal percorrendo o Camiño de Santiago.


ler máis

Desde o Entroido de Redondela, 'Vaia troula' asiste tamén ás festas do Esquecemento, a Malla e a Empanada

21/08/2022

Amosará, amais, o Naufraxio de Laxe, a sardiñada de Sada, Santa Cruz de Oleiros e o San Bartolomeu de Pravio, a festa dos produtos do mar da Illa de Arousa, e a churrascada de Carballido

Desde o Entroido de Redondela, 'Vaia troula' asiste tamén ás festas do Esquecemento, a Malla e a Empanada

Santiago, 21.8.2022.- Televisión de Galicia ofrece este domingo unha nova edición do festeiro ‘Vaia troula’ (23.15 h). Nesta ocasión, a presentadora, Noelia Rey, viaxará ao concello de Redondela para participar no seu divertido e multitudinario Entroido de Verán. E as reporteiras, coma sempre, estarán nas mellores celebracións da fin de semana.

ler máis

Nuria Fergó, Los Players e Los Jinetes del Trópico converten nunha festa 'Bamboleo' coas súas propostas musicais

20/08/2022

O espazo de entretemento dos sábados á noite na TVG desenvolverá tamén novas edicións do ‘Agora ou nunca’, ‘A jrileira’ e ‘A ITV do amor’, amais de bailes de salón

Nuria Fergó, Los Players e Los Jinetes del Trópico converten nunha festa 'Bamboleo' coas súas propostas musicais

Santiago, 20.8.2022.- ‘Bamboleo’ (22.05 horas) chega esta noite á Televisión de Galicia, coma é habitual, con Xosé Manuel Piñeiro á fronte. O espazo de entretemento recibe hoxe a visita de Nuria Fergó, unha das participantes máis queridas da primeira edición de Operación Triunfo. A artista celebra os 20 anos que leva na música presentando novo disco: ‘Con permiso’. Fergó tamén participa nos xogos de Tamara Pérez e Claudio Pan.

Estará, así mesmo, en ‘Bamboleo’ o grupo Los Jinetes del Trópico, unha formación que fai unha peculiar fusión entre reggaeton, punk tropical e cumbia no seu último sinxelo ‘Tronzácheme o corazón’.

Unha das orquestras máis veteranas da verbena galega, Los Players, estará animando tamén a festa do ‘Bamboleo’. Amais, visitará o estudio a parella de bailaríns galegos formada por Jorge e Rebeca, que inician unha segunda etapa no baile profesional e hoxe bailarán un jive e unha rumba.

No ‘Agora ou nunca’ os participantes serán Laura Gonzaléz e Ramón López, que interpretarán os temas ‘Días de verano’, de Amaral, e ‘Torna a Surriento’, de Giambattista de Curtis. Isi estará contando as súas divertidas e singulares historias.

O Abadín Club de Fútbol e a Sociedade Deportiva Cultural e Recreativa Narón Freixo xogarán en ‘A jrileira’ entoando o tema ‘Escándalo’, de Raphael, e adiviñando intérpretes. Para rematar, en ‘A ITV do amor’ serán Sofía e tres colegas, entre eles o seu mozo, os que intenten despistar un participante de público sobre quen é realmente a súa parella. Tamara, Isi, Damián e Javi Varela, os asesores do amor, poranlle picante á proba.


ler máis

O 'Eventos G' de hoxe achégase á historia de Toxos e Froles, Coral de Ruada, Cántigas da terra e Cantigas e agarimos

19/08/2022

O especial ‘Quen ten unha coral, ten un segredo’ coñece tamén os integrantes destas catro grandes formacións galegas

O 'Eventos G' de hoxe achégase á historia de Toxos e Froles, Coral de Ruada, Cántigas da terra e Cantigas e agarimos

Santiago, 19.8.2022.- Presentado polo xornalista Arturo Fernández e polo cantante e compositor Roi Casal, Televisión de Galicia ofrece este venres un novo ‘Eventos G’ (21.55 horas). Co lema de ‘Quen ten unha coral, ten un segredo’, o especial desta noite homenaxeará os catro grandes coros históricos de Galicia: Toxos e froles, de Ferrol; Coral de Ruada, de Ourense; Cántigas da terra, da Coruña, e Cantigas e agarimos, de Compostela.

‘Quen ten unha coral, ten un segredo’ vai ser un programa en que os espectadores coñecerán a historia de cada un destes coros, así como anécdotas descoñecidas das súas traxectorias.

Os integrantes destes coros tamén serán protagonistas nesta edición. Apaixonados pola música e a cultura galega, en cada agrupación, entre as súas voces hai un forte compromiso para asistir aos días de ensaio, pasar moitas horas no autobús para os desprazamentos, amais das numerosas viaxes, en que xorden moitas das súas aventuras. Neste senso, no especial desta noite verase tamén a convivencia e os lazos especiais de amizade que xorden entre os seus membros.

ler máis

Carmen Lomana, Antonio Garrido e Manu Sánchez amosan no 'Land Rober Summertime' os seus dotes humorísticos

18/08/2022

O presentador Roberto Vilar estará esta noite tamén acompañado nos variados sketchs cómicos por Eva Iglesias, Miguel Canalejo e Víctor Fábregas

Carmen Lomana, Antonio Garrido e Manu Sánchez amosan no 'Land Rober Summertime' os seus dotes humorísticos

Santiago, 18.8.2022.-  O humor con maiúsculas será protagonista, un xoves máis, na Televisión de Galicia, que ofrecerá unha nova entrega de ‘Land Rober Summertime’ (23.10 h), unha refrescante oferta coa que os amantes da comedia poden vivir este verán os mellores momentos e os sketchs máis hilarantes deste programa de referencia na canle pública.

Os convidados que pasarán esta noite polo escenario do ‘Land Rober Summertime’ serán unha muller de armas tomar, como é a emblemática Carmen Lomana, o coñecido actor e presentador Antonio Garrido, e un dos mellores cómicos de España, Manu Sánchez. Os tres pintarán a mona, dando boa mostra no espazo das súas habilidades para a diversión. Por suposto, unha edición máis cómpre salientar a participación do presentador Roberto Vilar, apoiado nos variados sketchs por Eva Iglesias, Víctor Fábregas e Miguel Canalejo, para que os espectadores gocen da festa rachada que proporá o programa esta noite na Galega.
    
Nesta edición de verán do ‘Land Rober’, os espectadores asistirán, amais, aos sketchs do ‘Concurso 50x15’, a unha das súas aventuras de ‘histerias de hospital’, a uns xogos do ‘Non cho creo’ e de edredoning, ou a aventura dos Piosos nun concesionario de autocaravanas.  


ler máis

As festas do Polbo do Carballiño e do Xamón da Cañiza, esta noite, en 'É hora de festa'

17/08/2022

O espazo dará conta do ambiente, a música e as actividades celebradas nestes dous eventos gastronómicos e tradicionais do verán galego

As festas do Polbo do Carballiño e do Xamón da Cañiza, esta noite, en 'É hora de festa'

Santiago, 17.8.2022.-  O programa ‘É hora de festa’ (23.10 h) dará conta este mércores de dúas celebracións gastronómicas e de gran tradición en Galicia: as festas do Polbo do Carballiño e do Xamón da Cañiza.
 
O programa asistirá, pois, neste percorrido festeiro ata o concello ourensán do Carballiño, que esta semana pasada viviu a súa Festa do Polbo por todo o grande, cun intenso programa de actividades, que concluíu o domingo coa súa popular romaría. A 60 edición desta celebración multitudinaria foi moi especial, xa que o evento estreou a súa declaración de Interese Turístico Internacional,

A continuación, ‘É hora de festa’ mudará de provincia para asistir no municipio da Cañiza á súa popular Festa do Xamón. A 56 edición desta feira que enxalza a calidade do xamón galego, contou con novas edicións do VII Concurso Nacional de Cortadores de Xamón, con Máster class de corte e cata de viños, e moita música a cargo de orquestras galegas, entre outras actividades.


ler máis