CRTVG

Santiago, 18.01.2012.-  A segunda canle da Televisión de Galicia, a tvG2 estrea esta noite, ás 23.30h, o programa de música “Enrede”, producido por Casa de Tolos. Un espazo onde os protagonistas serán os grupos e as salas pertencentes á Rede Galega de Música ao Vivo. ler máis

Santiago, 18.01.2012.-  Para dar a coñecer pequenos lugares de Galicia que son “Grandes lugares” porque agochan historias e tesouros de cada día, grazas á súa xente, costumes, iniciativas e usos sociais, a TVG estrea esta noite o docusoap “Grandes Lugares”, un programa de entretemento de 50 minutos, que pretende amosar, desde un punto de vista optimista e particular, a historia afectiva e social de dúas poboacións galegas con moito para contar. Hoxe serán Bares e As Ermitas. ler máis

Santiago, 15.01.2012.-  “Cada Día Un Libro” está a situar a súa audiencia no que vai de ano nun 27% de cota de pantalla. Nuns tempos de forte competencia e diversificación de canles, cómpre salientar este excelente dato xa que reflicte amais o apoio e aposta tanto da canle pública galega coma dos espectadores pola cultura. ler máis

Santiago, 14.01.2012.-  A aposta da TVG polo humor á galega poténciase co regreso da segunda tempada de “Era visto!”, un xeito diferente de achegar ao público unha comedia familiar alternativa á ficción tradicional, en que prima o humor verbal dos personaxes orixinais do universo rural galego. O protagonista é un pai de familia, Moncho (Federico Pérez), un home optimista, casado e cun fillo, que vive nunha difusa zona rural, nun chalé solitario e a medio facer ao pé dunha estrada comarcal, que se confesa diante da cámara.   ler máis

Santiago, 13.01.2012.-      O público galego deulle este xoves unha boa benvida a “Tourilandia”, o novo show da noite dos xoves na Televisión de Galicia, ofrecéndolle unha cota de pantalla do 13,2% ao longo das súas máis de dúas horas de humor e espectáculo, segundo se desprende dos datos de audimetría de Kantar Media. O programa conducido por Xosé A. Touriñán estreouse cunha audiencia media de 144.000 espectadores na comunidade autónoma, sendo así un dos programas máis seguidos da noite. ler máis

Santiago, 13.01.2012.- Para o entretemento de toda a familia, a TVG vístese de gala para presentar as novas historias de amor que amosará a partir deste sábado na segunda tempada de “Casamos!”. Nela incorpora máis parellas e máis vodas arredor das situacións máis románticas, divertidas e de superación que poidamos imaxinar. ler máis

Santiago, 12.01.2012.-       Os amantes do mellor humor feito en Galicia teñen desde hoxe unha cita ineludible cada xoves á noite coa TVG, que estrea “Tourilandia”, un espectáculo que se caracterizará pola comicidade, a participación do público e o factor sorpresa. A nova proposta da canle pública chega avalada por un equipo de guionistas e actores galegos de primeira fila que converterán cada edición en todo un espectáculo. Á fronte de todos eles, Xosé A. Touriñán, o que fora un dos integrantes de Mucha e Nucha, entre os moitos papeis cómicos que o coñecido actor leva desenvolvido no transcurso da súa aplaudida carreira artística. Touriñán, presentador e director deste novo programa, estará acompañado por actores de longa traxectoria no mundo do humor, como Federico Pérez, Isi, Isabel Risco, Iria Sobrado e Marcos Pereiro, que cada semana darán vida a distintos personaxes. ler máis

Santiago, 09.01.2012.-    A aposta da TVG pola ficción propia galega e polo talento do país segue a verse recompensada co favor da audiencia, que onte fixo líder a Televisión de Galicia no prime time, cunha cota de pantalla do 14,6% -empatada con TVE1-. Nesta faixa de máximo consumo televisivo, a canle autonómica ofreceu este domingo novos episodios das series “Escoba!”, a nova aposta polo humor galego; e “Libro de Familia”, todo un clásico na grella que leva máis dun lustro seducindo o público. Ambas as dúas emisións situáronse por riba dos 170.000 espectadores de audiencia media. ler máis

Santiago, 08.01.2012.-   Dúas horas de espectáculo e diversión. Así promete ser cada unha das entregas do novo espazo de humor da Galega para os xoves á noite. “Tourilandia”, cuxa estrea terá lugar o próximo día 12 de xaneiro, inclúe variadas seccións, coa participación de recoñecidos colaboradores fixos, e un concurso de novos talentos, en que persoas anónimas poderán exhibir todo tipo de habilidades dificilmente catalogables. ler máis

Santiago, 31.12.2011.- Cando chega a fin do ano, moitos ditos, predicamentos e tópicos póñense a proba  para saber se se cren a ciencia cega: o da saúde, o diñeiro e logo o amor; se a vida vai ser igual ou que vai pasar coa humanidade..., son algunhas das cuestións ás que intentará responder a gala especial “A Fin do Mundo?” (22.00h), que presentan Xosé Ramón Gayoso e Lucía Pérez para acompañar os galegos na noite máis longa do ano en que se despide  2011.  ler máis