Os visitantes que acudiron a Culturgal os pasados días 2, 3 e 4 de decembro tiveron a oportunidade de converterse en presentadores lendo unha noticia no prompter dun Telexornal, nun estudio virtual coa tecnoloxía chroma–key. As gravacións fixéronse en vivo e pregamos desculpas polos casos nos que houbo problemas de son.
Entre outras gravacións figuran a do secretario xeral de Política Lingüística, Anxo Lourenzo, e as das estrelas de TVG Benigno Campos (Larpeiros), Tomás Alonso (Larpeiros e Queres ser o mellor?), Juan Fuentes (Criaturas) e David Teijeiro (reporteiro de A Solaina), así como da Radio Galega María Xosé Rodríguez.
