CRTVG

Durante este cuarto de século, a compañía redondelá Tanxarina realizou máis dun milleiro de actuacións dentro e fóra de Galicia

O profesor do centro Daniel Salgado visitará o programa Zigzag Diario para falar dunha montaxe coa que dirixiu os seus alumnos nesta desconcertante mestura de farsa bufonesca, drama musical, comedia romántica e relato fantástico

Falamos con Mónica Maneiro, unha das comisarias da exposición “Afluentes 68” do Centro Torrente Ballester de Ferrol

O programa “ZigZag Diario” fala co director do Centro Dramático Galego, Manuel Guede, que acaba de regresar ao corazón do teatro público galego, onde xa estivo entre 1991 e 2005, tras varios anos ligado aos escenarios portugueses e á escrita dramática. 

O programa “ZigZag Diario” recibirá hoxe unha visita ilustre, a do escritor uruguaio Eduardo Galeano, considerado un dos autores máis destacados da literatura latinoamericana de todos os tempos. 

Manuel Iglesias Turnes preséntanos a súa ópera prima, “As rapazas de Xan”, unha novela desenvolvida no ámbito rural que supón un documento histórico e etnográfico sobre a aldea galega de posguerra. 

Falamos con Carlos López, historiador de arte e profesor de lingua e literatura galega, autor do estudo “Do idilio á diáspora”, onde analiza o que ocorreu na arte galega desde principios do século XX ata os anos 50, desde o costumismo rexionalista ata o desenvolvemento do movemento renovador da arte galega coñecido como “Os Novos”.

Gustavo Pernas fala da súa obra “Tres logomonos”, onde inclúe as pezas dramáticas “Colgados”, “Pisados” e “Snakizados”, tres monólogos ao revés para denunciar a perversión da linguaxe ou o abandono do galego

A artista, Margarita Viso Soto, que desenvolve o seu labor como compositora, pianista acompañante, musicóloga e editora de música, falará da música en Galicia e do traballo dunha asociación que ten como obxectivo defender os intereses dos compositores galegos, así como manter a memoria dos creadores históricos do país.

Reportaxe sobre o obradoiro teatral que impartiu o cineasta Oliver Laxe no marco da última edición de Buxiganga, un programa de promoción teatral da Deputación de Lugo. O autor de “Todos vós sodes capitáns” falou sobre a interpretación diante da cámara

Nova montaxe da compañía Teatro do Lume, que con “A que non podes dicir cocacola?”, escrita, dirixida e interpretada por Lina Pérez, fala da absurda busca da felicidade, da necesidade de reafirmación social para que o espello poida devolvernos unha imaxe coa que nos atopar cómodos.

Clara Gayo, integrante xunto a Iria Pinheiro do dúo Gayo Pinheiro, presenta a súa nova proposta escénica, “Área de descanso”.

Profesionais do teatro galego falarán da importancia da figura do máis grande dramaturgo galego contemporáneo, ao tempo que reivindicarán o valor literario do teatro galego e a necesidade de cubrir esa ausencia no día das nosas letras.

Caramés fala dunha mostra que contén todas as súas iconas visuais e que aglutina tres décadas de imaxes que retratan a vida e os escenarios de Galicia.

Branca Novoneyra, bailarina e coreógrafa, unha das coordinadoras do ciclo de lecturas poéticas “Picaversos”, que se desenvolve no pub Modus Vivendi de Santiago e que ten como obxectivo visualizar a poesía fóra do campo exclusivamente literario e ampliar o seu público.

Luís Ferreiro fai apuntamentos biográficos sobre seu pai e fala tamén do traballo da Fundación Celso Emilio Ferreiro, da que é director, unha institución que pretende fomentar o coñecemento e a difusión da súa obra e contribuír a difundir o seu extraordinario legado. 

Herdeiros pola forza un libro de Manuel Gago e Xurxo Ayán sobre o patrimonio dos galegos e a nosa actitude fronte a esta riquísima herdanza. 

O programa “Eirado” ofrece unha entrevista exclusiva co actor galego , unha das caras máis recoñecidas do panorama cinematográfico actual e un dos intérpretes máis solicitados. 

Lembramos a figura de Eugenio Granell, polo centenario do seu nacemento, da man da escritora e profesora de literatura da Universidade de Santiago Carme Blanco, especialista na poesía e na plástica de Granell.

O crítico musical e xornalista Xavier Valiño fala do seu libro“Veneno en dosis camufladas”, unha obra sobre a censura nos discos de pop-rock durante o franquismo. O autor estuda por vez primeira os censores, identificando as cancións que estiveron vetadas como non radiables.

Na sección de libros, Pemón Bouzas conversará coa escritora Rexina Vega, quen, cinco anos despois de gañar o Premio Xerais con “Cardume”, presenta a súa segunda novela, “Dark butterfly”, en que se asoma á loucura e describe o proceso da enfermidade mental como unha lenta e consciente deriva cara á marxinación e á exclusión.

María Jesús Blanco fala da exposición aberta na Casa da Parra, en Santiago, que reúne a obra de Jaime Quessada e seu fillo Xaime Quessada Blanco, ambos os dous xa falecidos.

Pemón Bouzas fala con Francisco Rodríguez Iglesias sobre o novo proxecto editorial que recolle o patrimonio cultural dos mosteiros de Galicia. A colección “Monasterios y conventos de la Península Ibérica” ten xa nas librarías os seus primeiros tomos, centrados nos cenobios galegos.

Entrevista ao escritor e xornalista Xavier Navaza, autor de "El último amante de Marilyn". O libro sitúase no México de hai 50 anos para reconstruír os últimos meses de vida da actriz Marilyn Monroe e a súa relación co produtor de cine de orixe galega José Bolaños.

Xosé Luís Axeitos fala do 175 aniversario do nacemento de Rosalía de Castro, da vixencia da súa obra, da súa figura na literatura galega e dos actos previstos pola RAG para conmemorar esta efeméride.

O Teatro Ensalle é un espazo dedicado á escena alternativa que nace en 2003 coa intención de crear un punto de encontro entre os creadores e un público novo. Fresneda fala do labor deste espazo vigués, entre cuxas últimas propostas se atopa “La Maleza”, un dos seus espectáculos máis poéticos, que pecha a triloxía composta polas obras que a Compañía do Teatro Ensalle creou entre 2008 e 2010.

O realizador galego fala de N" VI", documental galego no Festival de Málaga.

O músico folk Pancho Álvarez presenta o seu cuarto disco, “Sonche Atlántico”, un traballo que amosa a evolución vital do artista na busca de novos camiños creativos e a mestura de sons acústicos da música tradicional.

Xosé Manuel Budiño pásase á música electrónica coa súa alianza co humorista Carlos Blanco. Os dous artistas están a realizar unha xira polas salas galegas co seu espectáculo “iLalelo”, onde desenvolven facetas inéditas de rapeiro e de picadiscos respectivamente.

Para lembrar a figura do xornalista e escritor galego Julio Camba, un mestre do humor literario e un dos mellores articulistas españois de todos os tempos, contamos coa presenza do xornalista e escritor Benito Leiro, un especialista no autor vilanovés, que marcou a súa vida, xa que foi precisamente un concurso sobre Camba o que lle abriu as portas do xornalismo. 

Entrevistamos a profesora da Universidade da Coruña Carme Fernández Pérez-Sanjulián, coordinadora do estudo “Viaxes e viaxeiros na Galicia anterior a 1936”, publicado pola UDC e a Fundación Vicente Risco, que analiza a relevancia que as viaxes tiveron na formación das elites intelectuais de posguerra.

Achegamos o novo traballo do realizador galego Marcos Nine, “La Brecha”, que se estrea no Festival Internacional de Cine Independente de Bos Aires, o BACIFI 2012, un dos certames máis prestixiosos do mundo.

Conversamos co cineasta estadounidense Ross McElwee, que abriu a última edición do Play-Doc e a quen o CGAI lle está a dedicar un ciclo.