CRTVG

Ingredientes (para catro persoas):

-    600 g. de bacallau desalgado
-    8 tomates
-    2 patacas grandes
-    1 paquete de brotes tenros de leituga
-    2 dentes de allo
-    Tomiño fresco
-    Vinagre de xerez
-    Sal en escama
-    Aceite de oliva

Elaboración:

• Pelar a pataca e cortala en anacos grandes. Cocer cun toque de sal e unha pinga de aceite de oliva.
• Aderezar as patacas cun toque de sal e un chorriño de aceite e esmagar.
• Retirar o miolo dos tomates e meter no forno regados con aceite e acompañados por unhas folliñas de tomiño fresco e unha chisca de sal.
• Unha vez feitos os tomates, retirar do forno e pelar. Reservar a polpa e o aceite de cocción.
• Confeitar o bacallau cun dente de allo e aceite abondo. Cando estea no seu punto, retirar do lume, quitar o pelexo e esmagar.
• Para o aliño, verter un chisco de aceite cru sobre o aceite de cocción dos tomates e engadir un pouco de vinagre. Mesturar todo ben.
• Alternar nunha fonte varias capas de pataca, tomate e bacallau. Arrombar os brotes tenros e decorar con tomiño.
• Aliñar e servir.