Publicador de contidos

Contido con Portadas Webcams .

Publicador de contidos

Contido con Portadas Webcams .

Webcams

A Coruña (fixa)

25/10/2021 12:36

Cámara web fixa situada no edificio máis alto da cidade (e de Galicia), desde onde se albisca a enseada do Orzán rodeada polo paseo marítimo. Na parte superior da imaxe obsérvase a Casa do Home e ao lonxe pódese ver a entrada da ría da Coruña, con Ares ao fondo.


A Coruña (móbil)

22/10/2021 15:38

Cámara web situada no edificio máis alto da cidade e de Galicia. Ofrece vistas das praias do Orzán e do Matadoiro, da zona da Lonxa, do estadio de Riazor, da Torre de Hércules, do Obelisco Millenium e da zona do porto pesqueiro tradicional.


A Guarda

22/10/2021 12:46

Cámara web situada no monte de Santa Trega. Desde esta localización enxérgase o porto e a vila da Guarda, parte do castro de Santa Trega, a comarca do Rosal, o esteiro do río Miño e a localidade de Caminha.


A Rúa

22/10/2021 12:46

Cámara web situada no Hostal Berna, ao carón da estrada N-120. Desde esta localización pódese ver a vila da Rúa, o complexo recreativo do Aguillón e o encoro de San Martiño.


Baiona

22/10/2021 15:42

Cámara web con movemento de 360º situada no Parador Nacional. Ofrece imaxes da ría, do Parador, de Panxón, das Illas Cíes, do porto deportivo e do paseo marítimo da vila.


Cabeza de Manzaneda

25/10/2021 12:43

Cámara web fixa situada no cumio da Pista do Regato da Estación de Cabeza de Manzaneda. Ofrece unha panorámica en que se pode ver a telecadeira e o telesquí.


Cabo Fisterra

22/10/2021 13:09

Cámara web situada na terraza do hotel O Semáforo, a carón do faro de Fisterra. Desde esta localización privilexiada pódese gozar dunha paisaxe espectacular e observar o faro, os cantís e a bravura do mar.


Catedral de Santiago

25/10/2021 12:45

Cámara web situada no lateral dereito da nave central da catedral de Santiago de Compostela. A imaxe amosa a capela maior e ao fondo o altar maior co busto de Santiago. Esta figura, repuxada en prata por Montaos no século XVIII, é a que abrazan os peregrinos. Debaixo do Altar Maior están gardadas as reliquias do Apóstolo nunha urna de prata.


Catedral de Santiago 2

25/10/2021 12:50

Esta cámara amosa a nave lateral da catedral, a zona pola que se despraza o Botafumeiro, un xigantesco incensario empregado nas solemnidades relixiosas. Ao fondo da imaxe aparece a porta norte que dá acceso á praza da Acibechería.


Celanova

25/10/2021 12:53

Cámara web móbil situada nun lateral da Praza Maior. Ofrece unha panorámica onde salientan o mosteiro de San Rosendo e o edificio do Concello.


Ferrol

25/10/2021 12:54

Cámara web situada en Montefaro, no concello de Ares, desde onde se albiscan as dúas beiras da ría de Ferrol. No centro da imaxe enxérganse os estaleiros de Izar e o barrio de Caranza.


Lalín

22/10/2021 12:45

Cámara situada no complexo deportivo Lalín Arena. Desde esta situación pósede ver a Casa do Concello e vistas xerais de Lalín. 


Lugo

25/10/2021 12:54

Cámara web fixa situada nun monte próximo á cidade, desde onde podemos albiscar unha panorámica completa da capital coas torres da catedral.


Muxía

22/10/2021 12:26

Cámara web situada no Parador de Muxía, con vistas da praia de Lourido, da localidade de Muxía, do Santuario da Virxe da Barca e do Faro do Cabo Vilán en Camariñas.


O Cebreiro

25/10/2021 12:55

Cámara web situada no albergue de peregrinos do Cebreiro, no Camiño Francés a Santiago, entre as elevacións dos Ancares, O Capeloso e O Courel. A zona ten unha altitude media aproximada de 1.300 metros.


O Grove

22/10/2021 15:40

Cámara web situada no edificio do Pavillón Náutico. Ofrece imaxes da Toxa e da praia da vila.


Ortigueira

22/10/2021 15:43

Cámara web situada na Alameda, ao carón do Centro Social. Desde esta posición albíscase a ría de Ortigueira, o paseo marítimo, o porto deportivo, os xardíns e parte do centro urbano da vila.


Ourense (fixa)

25/10/2021 13:04

Cámara web fixa situada no Seminario. Ofrece unha panorámica da cidade atravesada polo río Miño. Obsérvase a ponte do Milenio, a Ponte Vella e as demais pontes que permiten a conexión entre as dúas beiras do río.


Ourense (móbil)

22/10/2021 15:44

Cámara web móbil situada no centro comercial Ponte Vella. Ofrece unha panorámica das dúas ribeiras do Miño e dalgunhas das pontes que o atravesan: a ponte Romana, a ponte Nova e a do Milenio. Permite ver ademais o paseo fluvial, o barrio da Ponte e o parque do río Miño.


Pedroso

25/10/2021 13:04

Cámara web situada no monte Pedroso. A imaxe renóvase cada trinta segundos e ofrece unha panorámica de Santiago de Compostela en que destacan as torres da catedral.


Pontevedra

22/10/2021 15:45

Cámara web fixa situada no monte Tomba. Ofrece unha panorámica da cidade atravesada polo río Lérez. Albiscamos a Ponte do Burgo e a Ponte Nova, que permiten a conexión entre as dúas beiras do río. A imaxe anóvase cada trinta segundos.


Portomarín

25/10/2021 13:06

Cámara web con movemento de 180º situada no Concello de Portomarín. Ofrece imaxes da praza Conde de Fenosa, da igrexa de San Xoán e do Camiño de Santiago.


Portonovo

25/10/2021 13:07

Cámara situada no Club Náutico. Obsérvase a praia de Baltar, o porto pesqueiro e o deportivo, o paseo marítimo, o peirao do Chasco e parte do centro urbano da vila.


Praza da Quintana

22/10/2021 15:44

Cámara web situada na Praza da Quintana, con vistas para a Porta Santa.


Praza das Praterías

25/10/2021 13:08

Cámara web situada na Casa do Deán, na rúa do Vilar. Esta edificación, do século XVIII, acolle hoxe en día a Oficina do Peregrino. A imaxe ofrece unha visión da fachada románica das Praterías, unha das portas de entrada máis sobranceiras da catedral.


Praza do Obradoiro

25/10/2021 13:09

Cámara web situada nunha balconada do Pazo de Raxoi, sede da Presidencia da Xunta de Galicia e do Concello. Á esquerda da imaxe vese o Hostal dos Reis Católicos, á fronte a fachada do Obradoiro da Catedral e á dereita o Colexio de San Xerome.


San Marcos

25/10/2021 12:42

Cámara web situada nas instalacións da CRTVG, ao carón do Camiño de Santiago. Amosa o paso dos peregrinos no final da última etapa na súa ruta a Compostela. A imaxe renóvase cada segundo.


Sanxenxo

25/10/2021 13:10

Cámara web situada no aparcadoiro do porto deportivo Xoán Carlos I. Ofrece imaxes da vila, do porto, de Portonovo e da praia de Silgar.


Tui

22/10/2021 13:10

Cámara web móbil situada no Parador de Tui. Albíscase a catedral, o centro histórico e as dúas beiras do Miño.


Verín

22/10/2021 15:41

Cámara web con movemento de 360º situada no Parador Nacional. Ofrece imaxes do Val de Monterrei e da vila de Verín.


Vigo (móbil)

14/03/2022 12:19

Cámara web con movemento de 180º situada na azotea do hotel Bahía de Vigo. Obsérvase a ría, a estación marítima, o peirao de transatlánticos, o porto deportivo, o monte da Guía, a avenida de Montero Ríos e, ao fondo, Moaña.

Publicidade
Publicidade