O municipio de Navia de Suarna está situado na parte setentrional da Serra dos Ancares. A parte noroccidental do concello limita coas provincias de Asturias e León. Nesta paisaxe de montaña, as terrras de Navia forman un precioso val regado polo río Navia e circundado por montañas. As máximas alturas localízanse nas estribacións da Serra dos Ancares, onde destacan: o porto dos Ancares (1374m) e o Monte Tesón (1239m).

O clima encádrase no dominio oceánico de montaña, con baixas temperaturas (9 graos de temperatura media anual) e abundantes precipitacións (1800 mm).