Conta a lenda que unha princesa soñou construír a cidade máis fermosa do mundo. Así comeza a orixe de Praga, que visita hoxe o equipo de "Galegos no mundo". Chámana a cidade das 100 torres pola cantidade de cúpulas e miradoiros que destacan sobre os seus tellados. Para moitos é unha das capitais máis fermosas de Europa Central, despois de todo, ten o maior conxunto declarado Patrimonio da Humanidade. Nada máis e nada menos que 900 hectáreas de rúas, prazas e xardíns que parecen escenarios dun conto, pero onde a vida é real, o ambiente animado e a xente cordial.

O equipo do programa visitará a cidade acompañado de seis galegos que se estableceron en Praga, internándose nas súas vidas e motivacións, como o caso de Anxo, un estudante de Erasmus de Vilaboa, que amosará o lugar onde se inventou un dos tipos de cervexa máis consumidos na actualidade, Pilsen; e David, natural de Vilagarcía de Arousa, que non ten présa por abandonar a cidade porque é onde coñeceu a súa ...

O humor próximo, chegado das rúas para presentarse en vivo, da man do grupo de artistas de Novo Circo "Pista Catro", axudará unha semana máis aos espectadores da Televisión de Galicia a "ir pola sombra". Na edición desta noite, os artistas cambian de papel para disfrazarse de médicos e aterrar en Vigo, onde porán a proba o sentido do humor dos viandantes.

Entre as escenas cómicas que achegará hoxe o programa "Vai pola sombra", os telespectadores tamén poderán gozar cos momentos e cámaras ocultas máis divertidas da historia da TVG e con actuacións en que o humor e a música se dan a man.
Como cada xoves, o espazo contará tamén cunha mestura de seccións humorísticas para ofrecer maior dinamismo e diversión, entre as que se encontra "Vai pola sombra en Ardebullo", unha divertida escolma dos sketchs en que son protagonistas as personaxes desta aldea ficticia, nada do humor da parella "Mucha e Nucha".

Ademais, na sección "O teu ...

Clara de Saá conduce Convivir en igualdade, un programa diario de carácter divulgativo e contido social en que se falará de temas relacionados con discapacidades, adopcións ou acollemento familiar. Ademais trataranse os asuntos que lles atinxen aos mozos e aos maiores e farase un seguimento ás accións do voluntariado. Cuestións relacionadas coa saúde, a inmigración e actualidade no campo social terán tamén cabida no programa, que contará ademais coa colaboración de expertos para explicar todas as dúbidas que demande a propia audiencia mediante chamadas, mensaxes, correo ordinario ou correo electrónico.