CRTVG

 

Texto do Aviso Legal 

En cumprimento do disposto no artigo 10 da Lei 34/2002, de 11 de xullo, de Servizos da Sociedade da Información e Comercio Electrónico, infórmase ao usuario que esta é a páxina web corporativa da Compañía de Radio - Televisión de Galicia con CIF: Q -1591001 – A, creada pola Lei 9/1984 de 11 de xullo, e das súas sociedades, relacionadas a continuación, todas elas con domicilio en Bando - San Marcos, 15.820 de Santiago de Compostela (A Coruña): 

- TELEVISIÓN DE GALICIA, S.A. con CIF: A - 15. 073.349; inscrita no Rexistro Mercantil de A Coruña, no tomo 425 do arquivo, libro 224 da sección 3ª de sociedades, ao folio 75, folla 2.433, inscrición 1ª do 1 de xuño de 1985.

- RADIOTELEVISIÓN GALICIA, S.A. con CIF: A - 15. 173. 356; inscrita no Rexistro Mercantil de A Coruña, ao no tomo 425 do arquivo, libro 224 da sección 3ª de sociedades, ao folio 61, folla 2.431, inscrición 1ª do 1 de xuño de 1985. 

1. POLÍTICA DE PRIVACIDADE 

Compañía de Radio - Televisión de Galicia (en diante, CRTVG) TELEVISIÓN DE GALICIA, S.A. (en diante TVG) e RADIO TELEVISIÓN GALICIA, S.A. (en diante, RG) queren dar a coñecer, mediante o presente texto, cales son os criterios e regras que segue respecto da utilización dos datos persoais que calquera usuario facilite durante o acceso á súa páxina web corporativa en http://www.crtvg.es, ou a través de http://www.tvg.es e http://www.radiogalega.es e a través dos dominios dos que, en cada momento, sexan titulares as referidas entidades.

En cumprimento do disposto no artigo 5 da Lei Orgánica 15/1999, de 13 de decembro, de Protección de Datos de Carácter Persoal (en diante, LOPD) CRTVG, TVG e RG infórmanlle que os datos que nos proporcione mediante a cumprimentación de calquera formulario de rexistro electrónico que apareza no noso sitio web, así como aqueles datos aos que as referidas entidades puidesen acceder como consecuencia da súa navegación, serán recollidos nun ou varios ficheiros titularidade das mesmas, ante as que poderá en todo momento exercitar os dereitos de acceso, rectificación, cancelación e, no seu caso o de oposición, dirixindo ao Departamento de Servizos Xurídicos solicitude asinada por escrito xunto cunha fotocopia do seu DNI ou na dirección lopd@crtvg.es.

A non cumprimentación dos campos obrigatorios que aparecen en calquera formulario de rexistro electrónico poderá ter como consecuencia que CRTVG, TVG ou RG non poidan atender a súa solicitude. 

As finalidades da recollida dos seus datos persoais son as que particularmente se indiquen en cada unha das páxinas onde apareza o formulario de rexistro electrónico. Con carácter xeral, os datos de carácter persoal que nos proporcione serán utilizados para atender ás súas solicitudes e consultas, así como informarlle sobre novas actividades e servizos de CRTVG, TVG ou RG. No caso de que a través dos citados formularios, facilite datos de carácter persoal de terceiros, previamente á súa inclusión deberá informar aos mesmos dos extremos establecidos nos parágrafos anteriores, absténdose de incluílos de non obter o seu consentimento.

CRTVG, TVG ou RG poderían recoller e/ou almacenar a seguinte información acerca dos visitantes ou usuarios da nosa web:

- O nome de dominio do provedor (PSI) e/ou dirección IP que lles dá acceso á rede, a fin de elaborar estatísticas sobre os países e servidores que nos visitan máis a miúdo. 

- A data e hora de acceso, que nos permite coñecer as horas de máis afluencia, e facer axústelos precisos para evitar problemas de saturación. 

- A dirección de Internet desde a que partiu o link que dirixe á nosa web, para comprobar a efectividade dos distintos banners e enlaces que apuntan ao noso servidor, e poder potenciar os que ofrezan mellores resultados. 

- O sistema operativo, navegador e resolución de pantalla empregados, para coñecer as capacidades técnicas dos nosos visitantes e adecuar o deseño da páxina conforme a estes datos. 

- O número de visitantes diarios de cada sección, diferenciando as áreas de máis éxito e aumentar e mellorar o seu contido, co fin de que os usuarios obteñan un servizo máis satisfactorio. 

A estes efectos, utilizaranse os datos obtidos a través de Google Analytics, un servizo analítico de web prestado por Google, Inc., unha compañía de Delaware cuxa oficina principal está en 1600 Amphitheatre Parkway, Mountain View (California), CA 94043, Estados Unidos (“Google”) y NIELSEN (www.nielsen-online.com) A información así obtida é totalmente anónima, e en ningún caso será asociada a un usuario concreto e identificado. 

As páxinas da nosa web poderían utilizar cookies, pequenos ficheiros de datos que se xeran no computador do usuario e que nos permiten obter información como a data e hora da última vez que o usuario visitou a web, o deseño de contidos que o usuario escolleu na súa primeira visita ou elementos de seguridade que interveñen no control de acceso ás áreas restrinxidas.

O usuario ten a opción de impedir a xeración de cookies, mediante a selección da correspondente opción no seu navegador. Con todo, CRTVG, TVG e RG non se responsabilizan de que a súa desactivación impida o bo funcionamento da páxina. 

CRTVG, TVG e RG comprométense a tratar de forma absolutamente confidencial os seus datos de carácter persoal, facendo uso dos mesmos exclusivamente para as finalidades indicadas, e infórmalle que ten implantadas as medidas de seguridade de índole técnica e organizativa necesarias para garantir a seguridade dos seus datos e evitar a súa alteración, perda, tratamento e/ou acceso non autorizado, tendo en conta do estado da tecnoloxía, a natureza dos datos almacenados e os riscos a que están expostos, xa proveñan da acción humana ou do medio físico ou natural, de conformidade co previsto no artigo 9 LOPD e no seu Regulamento de desenvolvemento aprobado polo Real Decreto 1720/2007, de 21 de decembro. 

2.DATOS DE MENORES

Para poder ser usuario activo desta web, é necesario ter 14 anos ou máis. Os menores desta idade só poderán rexistrarse a través dos seus pais ou titores. Así mesmo, recomendamos aos menores de idade en xeral que consulten cos seus pais antes de proporcionar datos de carácter persoal. En ningún caso se solicitarán dos menores de idade datos relacionados coa situación económica, actividade profesional ou intimidade dos outros membros da familia. Neste sentido, a información relativa a menores solicitarase exclusivamente para o envío de información sobre actividades, produtos e servizos da CRTVG, e das súas sociedades, dirixidos especificamente ao público infantil e xuvenil. En ningún caso se comunicarán datos relativos a menores a terceiros alleos á CRTVG, TVG ou RG, nin se utilizarán para campañas que sexan inadecuadas á idade correspondente ao menor. 

3. CONDICIÓNS DE USO DA PÁXINA WEB 

Estas condicións regulan o uso do servizo da nosa páxina web http://www.crtvg.es (en diante, a páxina web) que a CRTVG e as súas sociedades poñen gratuitamente a disposición dos usuarios de Internet.  Mediante esta páxina web non é posible realizar contratación electrónica, polo que os prezos e tarifas reflectidos, que inclúen os impostos indirectos, terán en todo caso, carácter meramente informativo. 

A utilización da nosa páxina web atribúelle a condición de usuario da mesma e supón a aceptación plena e sen reservas de todas e cada unha das disposicións incluídas no presente Aviso Legal na versión publicada no momento mesmo en que o usuario acceda á nosa páxina web, así como da nosa política de privacidade e tratamento de datos persoais.

CRTVG, TVG e RG resérvanse o dereito a denegar ou retirar o acceso á súa páxina web, en calquera momento e sen necesidade de preaviso, a aqueles usuarios que incumpran as presentes disposicións xerais así como as particulares que resulten de aplicación. 

CRTVG, TVG e RG non garanten a dispoñibilidade e continuidade do funcionamento da súa páxina web e/ou dos seus servizos ou contido, nin que este se atope actualizado. No entanto, cando iso sexa razoablemente posible, advertirase previamente as interrupcións no funcionamento da páxina web e dos servizos nela ofrecidos. Neste contexto, CRTVG, TVG e RG declinan calquera responsabilidade polos danos e prexuízos de toda natureza que poidan deberse á falta de dispoñibilidade ou de continuidade do funcionamento da páxina web e dos servizos. 

CRTVG e as súas sociedades facilitan o acceso mediante enlaces, a outras páxinas web que consideramos poden ser do seu interese, co único obxectivo de facilitar a procura de recursos a través de internet. No entanto, ditas páxinas non pertencen á CRTVG nin ás súas sociedades, nin facemos revisión dos seus contidos, polo que non nos se responsabilizamos da calidade, exactitude ou veracidade dos mesmos ou do funcionamento da páxina enlazada, nin dos posibles danos que poidan derivarse do seu acceso ou uso. 

Todo o contido dispoñible na web (texto, gráficos, logotipos, iconas, imaxes, clips de audio, recompilacións de datos e software, marcas, nomes comerciais, etc.) é propiedade da CRTVG e as súas sociedades e/ou se atopan lexitimamente explotados en virtude de acordos ou licenzas de uso e está protexido polas leis de Propiedade Intelectual e Industrial, polo que non se permite a reprodución e/ou publicación, total ou parcial da web, nin o seu tratamento informático, a súa distribución, a súa comunicación pública, nin a súa modificación ou transformación, sen o permiso previo e por escrito. O usuario, única e exclusivamente, pode utilizar o material que apareza nesta web para o seu uso persoal e privado, quedando prohibido o seu uso con fins comerciais ou para incorrer en actividades contrarias á lei. 

O usuario obrígase a usar a páxina web de forma dilixente, correcta e lícita e, en particular, comprométese a absterse de: 

(a) Suprimir, eludir ou manipular o “copyright”, marcas e demais datos identificativos dos dereitos da CRTVG e as súas sociedades ou dos seus titulares, incorporados aos contidos e/ou produtos comercializados desde a nosa páxina web, así como os dispositivos técnicos de protección ou calquera mecanismos de información que puideren conter os mesmos. 

(b) Empregar os contidos e, en particular, a información da CRTVG e as súas sociedades, obtida a través da nosa páxina web para remitir publicidade, comunicacións con fins de venda directa ou con calquera outra clase de finalidade comercial, ou mensaxes non solicitadas dirixidos a unha pluralidade de persoas. 

(c) Reproducir ou copiar, distribuír, permitir o acceso do público a través de calquera modalidade de comunicación pública, transformar ou modificar os contidos, a menos que se conte coa autorización do titular dos correspondentes dereitos ou iso resulte legalmente permitido. 

(d) En xeral, utilizar os contidos de forma, con fins ou efectos contrarios á lei, á moral e aos bos costumes xeralmente aceptadas ou á orde pública.

As cuestións relacionadas co uso desta web ou os seus contidos rexeranse e serán interpretadas conforme ás presentes Condicións de Uso e a lexislación española, someténdose as partes, salvo nos casos en que non estea legalmente permitido, á xurisdición dos Xulgados e Tribunais da cidade de Santiago de Compostela, provincia da Coruña (España) para a resolución dos conflitos concernentes ao uso desta web, con renuncia de forma expresa a calquera outro foro que puidese corresponderlles. 

4. CONDICIÓNS DE USO DOS BLOGS, COMENTARIOS E REDES SOCIAIS 

A participación do usuario nos blogs, comentarios ou redes sociais ás que estea vinculada a CRTVG e as súas sociedades, ou calquera outro servizo ofrecido pola web, implica a adhesión plena e sen reservas ás presentes condicións, reservándose CRTVG, TVG e RG o dereito a denegar ou retirar o acceso aos mesmos de oficio ou a instancia dun terceiro, sen necesidade de preaviso, a aqueles usuarios que incumpran as mesmas. 

Para poder participar activamente nos referidos servizos en calidade de usuario, deberá ter, como mínimo, 14 anos de idade. En caso de dúbida sobre a idade dun usuario, CRTVG, TVG e RG poderán solicitar a verificación da mesma a través de calquera medio válido en dereito. 

Concretamente, os blogs e comentarios, pretenden ser unha unha ferramenta dixital gratuíta que CRTVG e as súas sociedades poñen a disposición dos visitantes da súa web para a publicación de valoracións relativas aos contidos da mesma e para expor as súas opinións sobre as emisións da TVG e RG. A intervención dos visitantes na sección de comentarios levarase a cabo a través dun nome de usuario persoal e unha clave secreta elixida polo propio interesado, que se validará contra o correo electrónico facilitado polo mesmo, e da que se deberá facer un uso dilixente e confidencial. No caso dos blogs bastará, con carácter xeral, a introdución dun alias ou sobrenome e unha conta de correo electrónico para a súa validación.

Debido á finalidade propia das devanditas ferramentas, aqueles contidos que non se axusten ás temáticas propostas poderán ser moderados, bloqueados ou eliminados. Así mesmo, retirarase calquera comentario ofensivo, violento, discriminatorio, ou que puidese perturbar o funcionamento normal dos blogs ou comentarios. En especial prohíbese a publicación de promocións e enlaces a ofertas comerciais, así como a captación de datos con finalidade publicitaria. 

Se un usuario se vise afectado por actuacións ilegais ou que contraveñan as presentes condicións, ou detecte un mal uso das ferramentas dixitais da web por parte doutros usuarios, poderá polo en coñecemento da CRTVG, a través de crtvg@crtvg.es, para que esta poida moderar ou eliminar os mesmos. En calquera caso, CRTVG, TVG e RG non se responsabilizan dos comentarios vertidos polos usuarios que unicamente expresan a opinión do seu autor. 

En atención á normativa en materia de protección de datos, previamente a dar difusión a través de blogs e comentarios de datos de carácter persoal de terceiros, especialmente información fotográfica ou audiovisual, deberá contar co consentimento dos seus titulares, absténdose de incluír nas ferramentas da web a referida información en caso contrario. En calquera caso recoméndase aos usuarios ter especial coidado á hora de publicar devanditos contidos, para evitar pór en risco a privacidade e intimidade de persoas da súa contorna, así como non publicar información de contacto físico, que permita a calquera persoa coñecer onde vive, onde traballa ou estuda diariamente, ou os lugares de lecer que adoita frecuentar. Así mesmo, os usuarios deberán utilizar e publicar unicamente contidos respecto dos que conten cos dereitos de propiedade intelectual suficientes.