Consello de Administración Consello Asesor da Compañía e as súas sociedades Director Xeral
Está composto por doce membros elixidos para cada lexislatura polo Parlamento de Galicia, entre persoas de acreditado prestixio profesional. A súa misión céntrase en velar polo cumprimento do disposto na Lei de Creación da Compañía e, especialmente, en aprobar aquelas materias que asentan as directrices do funcionamento da entidade pública, como son a programación, a memoria anual, o cadro de persoal e as normas reguladoras da emisión de publicidade. Na actualidade, o Consello de Administración está integrado por:
 Bastida Domínguez, María PP |
 Iravedra Lestal, Xosé Luís PP |
 Jiménez Morán, Xoán Manuel PP |
 Maneiro Vila, Arturo PP |
 Meijide Gómez, Higinio PP |
 Peón Piñeiro, Ana Isabel PP |
 Araújo Rodríguez, Juan Carlos PSdeG-PSOE |
 Cid González, Roberto PSdeG-PSOE |
 Fernández Vázquez, Adriana PSdeG-PSOE |
 Rodríguez Calvo, Carlos Alberto PSdeG-PSOE |
 Antelo Pazos, Manuel BNG |
 Prado Cores, Montserrat BNG |
Coñecer de forma directa os prazos de implantación da Televisión Dixital Terrestre en Galicia, así como as consecuencias do novo panorama tecnolóxico na difusión de TVG, S.A.Data:
Día 26 de novembro de 2009, a partir das 10:00 horas.Lugar:
Sé do Consello de Administración da CRTVG, Centro Emisor de San Marcos, sen úmero.Desenvolvemento:
10.00 horas: Inauguración.Asistentes:
Don Alfonso Cabaleiro Durán, secretario xeral de Medios da Xunta de Galicia:
Panorama xeral das políticas da Xunta de Galicia en materia de TDT.
11.00 horas: Primeira sesión:
Don Ignacio Otero López, subdirector xeral de Enxeñería e Planificación de Telecomunicacións, Radio, Televisión e Multimedia:
Programa de desenvolvemento da cobertura da TDT en Galicia. Mapa da cobertura actual; previsións de futuro, prazos para a cobertura total de Galicia.
12.00 horas: Segunda sesión:
Don Javier Esteban Lapeña, directivo de Televés:
As posibilidades técnicas da TDT, desenvolvemento de receptores e descodificadores en Galicia.
13.00 horas: Terceira sesión:
Don Fernando Rodríguez Ojea. director de Comunicación e Relacións Externas da CRTVG e as súas sociedades.
Accións previstas ou en fase de desenvolvemento por parte de TVG, S.A. para promover as súas canles diante do “apagón analóxico”.
14.00. Clausura.
(*) As intervencións durarán entre 30 e 45 minutos.
As xornadas están dirixidas aos membros do Consello de Administración da CRTVG, aos directivos e técnicos de TVG, S.A., así como aos representantes do sector audiovisual interesados.
As dúas sociedades da Compañía de Radio-Televisión de Galicia contan cun consello asesor. Aínda que este organismo non ten competencias decisorias, asesora emitindo opinión ou ditame cando lle sexa requirido sobre a programación.
O Director Xeral é o responsable executivo da CRTVG, nomeado polo Goberno de Galicia. A duración do seu mandato coincide coa da lexislatura do Parlamento. As súas funcións son as de xestionar o ente público e as súas sociedades. Para iso conta cun equipo técnico, administrativo e xurídico enmarcado na estrutura da Compañía. Da Dirección Xeral depende tamén a Dirección de Comunicación e Relacións Externas.
Biografía do Director Xeral da CRTVG
ALFONSO SÁNCHEZ IZQUIERDO
1973. Titulado en Xornalismo na Escola de Xornalismo da Igrexa en Madrid
1978. Licenciado en Dereito pola Universidade Complutense de Madrid
1983. Director Xeral do xornal “La Región”, de Ourense
1987 Conselleiro delegado do xornal “Atlántico Diario”, de Vigo
1990 Conselleiro delegado da Axencia Galega de Noticias
1998 Profesor asociado de Xestión de Empresa Informativa na Universidade de Santiago de Compostela
2001 Presidente e conselleiro delegado de Telemiño,S. A.
2008 Profesor de Programación e Técnicas de Relacións Públicas na Universidade de Vigo
2008 Socio conselleiro de Acioavia Wises, S.L.
2008 Presidente da Asociación Galega de Xestión da Comunicación
Outros datos de interese
-Premio “Diego Bernal” 2005 da Asociación de Periodistas de Galicia
A CRTVG está formada polas sociedades Televisión de Galicia e a Radio Galega, que chegan co seu sinal a todo o territorio de Galicia e alcanzan tamén o Norte de Portugal e zonas occidentais de Asturias e Castela e León. O obxectivo das dúas sociedades é ofrecer programacións en galego onde teñan cabida todos os gustos e intereses das audiencias, fomentando así a difusión da lingua e da cultura de Galicia. A Televisión de Galicia e a Radio Galega iniciaron as súas emisións en 1985. Foron o primeiro medio audiovisual e o primeiro medio radiofónico da historia en emitir toda a súa programación en lingua galega.
